Вучич Сербия президентлиги сайловларида ғалаба қозонганини маълум қилди

Сербия президенти Александр Вучич давлат раҳбарлиги учун ўтказилган сайловларда ғалаба қозонганини маълум қилди, деб хабар беради Pink TV.

«Мен — биринчи турда икки марта ғолиб чиққан ягона инсонман», — дейди Вучич.

Вучичнинг сўзларига кўра, у 59,9 фоиздан 60,1 фозигача овоз тўплаган. Президентлик сайловларида Вучичнинг асосий рақиби — «Сербия ғалабаси учун бирдамлик» мухолиф коалициясидан Здравко Понош эса 17,7 фоиз овоз йиғишга муваффақ бўлган.

Республика сайлов комиссияси маълумотларига кўра, амалдаги президентга сайловчиларнинг 66,15 фоизи, Паношга — 12,52 фоизи овоз берган. Президентлик сайловларида жами саккиз нафар номзод иштирок этган.

Вучич — «Серб тараққиёт партияси», «Сербия социалистик партияси» ҳамда «Воеводина венгерлари иттифоқи»идан тузилган «Александр Вучич: биргаликда барчасини уддалаймиз!» коалициясидан номзод. У 3 апрель куни бўлиб ўтган парламент сайловларида ҳам ғалаба қозонган.

Вучичнинг маълум қилишича, коалиция сайловчиларнинг 44 фоизини қўллаб-қувватлашни ваъда қилган, унинг асосий рақиби, ўнта партиядан иборат «Ягона Сербия» мухолиф колацияси эса 13,6 фоизни. Сайлов комиссияси маълумотларига кўра, «Биргаликда барчасини уддалаймиз!» 48,69 фоиз, «Ягона Сербия» — 9,22 фоиз тўплаган.

Сербия етакчиси Белград Россия билан дўстона ва шериклик муносабатларини сақлаш қолсиҳга ҳаракат қилишини ваъда бериб, бирор-бир ҳарбий иттифоққа қўшилишини истисно этган. Бундан ташқари, Сербия ёзувчи Фёдр Достоэвский ва композитор Пётр Чайковскийнинг асарларидан воз кечмоқчи эмас.

2017 йилда Вучич президентлик сайловларида 55,08 фоиз овоз билан ғалаба қознганди. Май ойида у қасамёд келтириб, мамлакатни бошқаришга киришган. Бунга қадар у бош вазир лавозимида фаолият ютирган.