«Оскар» ҳакамлар ҳайъатининг кино ишқибозларининг муҳокамаларига сабаб бўлган қарорлари

«Оскар» мукофотини ХХ асрдан мерос бўлиб келаётган ва томошабинларни ҳайратга соладиган киномукофот деб ҳисоблаш мумкин. Ҳозирда ҳам «Оскар» йилнинг асосий кино воқеаси бўлиб қолмоқда. Ҳали ҳам уни кутишади, тайёргарлик кўришади ва кейин албатта натижалар қизғин муҳокамаларга сабаб бўлади.

Леди Гага — «Гуччи уйи» (2021)

«Гуччи уйи» фильмидаги Патрисия Режани роли учун Леди Гага том маънода барча мукофотларга, жумладан, «Олтин глобус« ва BAFTA’га ҳам номзод бўлган. Кўпчиликни ҳайратда қолдирганидек, актриса «Оскар» учун даъвогарлар рўйхатига кира олмади.

Шунга қарамай, фильм «Энг яхши грим ва соч турмаги» номинациясида тақдирланди. 2019 йилда энг яхши қўшиқ учун «Оскар»ни қўлга киритган Леди Гага эса «Гуччи уйи»да ишлаган визажист ва сартарошларни ушбу воқеа билан табрикламасдан қолмади.

Кристен Стюарт – «Зилс-Мария» (2014)

«Сумерки» юлдузи ва «Олтин малина» ғолиби Кристен Стюарт бу йил ўзининг биринчи «Оскар» мукофотини олди. Киноакадемия актрисанинг «Спенсер» биографик драмасидаги ажойиб ижросига тан берди.

Бундай эътиборни аввал ҳам кутиш мумкин эди. Масалан, 2015 йилда Кристен «Зилс-Мария» фильмидаги иккинчи даражали роли учун французлар «Оскар»и — «Цезарь» мукофоти билан тақдирланган. У ушбу нуфузли мукофотни қўлга киритган биринчи америкалик актриса бўлди. Кўплаб танқидчилар ва кино ихлосмандлари Кристен ҳам «Оскар»га номзод бўлишини кутишган, аммо бундай бўлмади.

Эмма Стоун — «Круэлла» (2021)

Далматинлар ҳақидаги мультфильмдаги ёвуз Круэлла Де Вилнинг янгича образи бу йил «Оскар»нинг 2 та номинациясини олди — «Энг яхши костюмлар дизайни» ва «Энг яхши грим ва соч турмаги» номинацияларида. Аммо актёрлик мукофотлари Круэлла ва бош рол актрисаси Эмма Стоунни четлаб ўтди.

Бунгача актриса уч марта «Оскар» мукофоти учун номзодлар рўйхатига киритилган ва 2017 йилда «Ла Ла Ленд» мусиқий фильмидаги ижроси учун орзу қилинган ҳайкалчани олган эди. Балки, Круэлланинг вақти ҳали келмагандир. Стоун картинанинг давомида иштирок этиш учун шартнома имзолади, шунинг учун унинг қаҳрамони яқин келажакда яна экранларга қайтади.

«Аватар» (2009)

2009 йилда «Аватар» кино тарихидаги энг юқори даромад келтирувчи фильм бўлиб, тасаввур қилиб бўлмайдиган ва ақл бовар қилмайдиган барча рекордларни янгилади. Фильм 9 номинацияда «Оскар» мукофотига номзод бўлди. Аммо режиссёр Жеймс Кемерон ва продюсерлар гуруҳининг иши мукофотланмади.

«Ла Ла Ленд» (2016)

Кино янгиликларини кузатиб борадиган ҳар бир киши 2017 йилдаги маросимда содир бўлган омадсизликни эсласа керак. «Ла-Ла Ленд» фильми йилнинг энг яхши фильми деб топилди ва унга адашиб «Оскар» берилди. Картина актёрлари, продюсерлари ва режиссёрлари саҳнага чиқиб, миннатдорлик сўзларини айтишга улгурмасларидан ҳайкалчани «Ой нури» фильмининг суратга олиш гуруҳига бериш кераклиги маълум бўлди. Жуда ноқулай ҳолат бўлганди.

Терон Эжертон — «Рокетмен» (2019)

Актёр бу роли учун «Олтин глобус»га сазовор бўлди, шунинг учун мутахассислар ғалаба қозонмаса ҳам, ҳеч бўлмаганда «Оскар»га номзод бўлишига амин эди. Воқеаларнинг ягона изоҳи — актёрлар ўртасидаги мисли кўрилмаган рақобат. Ўша йили ҳайкалчани Хоакин Феникс «Жокер» фильмидаги ижроси учун олган эди.

Леонардо Ди Каприо — «Омон қолган» (2015)

Лео узоқ кутилган ҳайкалчани биринчи «Оскар» номинациясидан 22 йил ўтиб олди. Кино академияси актёрнинг 2016 йилда «Омон қолган» фильмидаги ижросини юқори баҳолади. Мухлисларининг фикрича академиклар актёрнинг истеъдодини жуда кеч пайқашган, Ди Каприо «Оскар»ни анча олдин олиши керак эди — «Уолл-стрит бўриси», «Озод Жанго», «Гильберт Грэйпни нима қийнайди» ёки «Авиатор» фильмлари учун. Лекин ҳаммаси яхшилик билан тугади. Ҳеч бир актёр Ди Каприочалик 7 та «Оскар» номинацияси билан мақтана олмайди.

Эминем — «8 миля» (2002)

«8 миля» фильмида Эминем ўз ҳаётига жуда ўхшаш бўлган рэпер ролини ўйнади. Академия унинг «Lose Yourself» трекини номинация билан тақдирлади. Ғалабага нафақат жамоатчилик, балки Эминемнинг ўзи ҳам ишонмади: у маросим куни ухлаб қолганди. Композиция энг яхши деб топилди ва продюсер Луис Ресто рэпер номидан ҳайкалчани қабул қилиб олди. Орадан 17 йил ўтибгина 2020 йилда Эминем «Оскар»ни ғолиб қўшиқ садолари остида қабул қилиб олди.