Сочни ҳар куни фен билан қуритиш ёки доимо парҳез тутиш зарарли бўлиши мумкин. Бу одатлар соч толаси ва уни ташкил этувчи оқсил занжирларини йўқ қилади.
Сочни ҳар куни ювиб, фен билан қуритиш
Сочларни ҳар куни мунтазам ювиш ва турмаклаш сочни бутун узунлиги бўйлаб шикастлайди. Бу шампунлар таркибидаги гидроксиди ва феннинг салбий таъсир кўрсатиши билан боғлиқ. Бироқ бундай ғамхўрлик бош териси ва нозик сочларнинг юқори ёғлилигида зарурий чора ҳисобланади — акс ҳолда, сочлар тезда яхши кўринишини йўқотади.
Бошни шампунлаш ва турмаклашнинг оптимал миқдори ҳафтада 3 марта. Агар бу тез-тез амалга оширилса, енгил таркибли шампунни ишлатиш керак. Шампунь сочларга эмас, бош терисига суртилади ва унинг кўпиги билан яхшилаб массаж қилинади. Ювгандан кейин шампундан қолган қолдиқларни зарарсизлантириш учун ниқоб ва бальзамлардан фойдаланиш мажбурийдир. Шунингдек, сочларни тарашни осонлаштирадиган ва термал ҳимоя таъсирига эга бўлган махсус спрейлардан фойдаланиш тавсия этилади, яъни улар сочларни феннинг иссиқ ҳавосидан ҳимоя қилади. Бундан ташқари, иссиқ режимда нам сочларни қуритиш совуқ ҳаво билан қуритишдан яхшироқ.
Сочларни тез-тез бўяш
Сочни бўяш ҳар 4-5 ҳафтада бир марта амалга оширилиши керак. Одатда бундай тавсия соч илдизларининг асл ранги кўриниб, ташқи кўринишда яққол намоён бўладиганларга берилади. Аммо ушбу ҳолат кузатилмаса, сочларни ярим ёки бир йилда бўяш мумкин. Акс ҳолда бўёқлар соч илдизининг парчаланишига олиб келади.
Доимо парҳезда бўлиш
Соч толаси 80 фоиз оқсилдан иборат, шунинг учун рационда соч фолликуласи учун керакли моддалар миқдори етарли миқдорда бўлиши керак. Ҳайвонлардан олинган оқсиллар организмда синтез қилинмайдиган муҳим аминокислоталарни ўз ичига олади. Шунинг учун ҳозирги вақтда кенг тарқалган вегетарианлик сочлар учун ноқулай ҳисобланади. Ҳар қандай паст калорияли парҳез сочларни керакли энергия билан таъминлашда узилишга олиб келади.
Кондиционерли хоналарда кўп вақт ўтказиш
Кондиционерлар ҳаводаги намликни пасайтиради, бу эса соч ва бош терисининг қуришига олиб келиши мумкин. Бунинг олдини олиш учун соч узунлиги бўйлаб қўлланилиши керак бўлган намловчи спрейлардан фойдаланиш тавсия этилади.
Вақти-вақти билан сочларни озиқлантирмаслик
Сочлар ёзда намликни йўқотади, мўртлик кучаяди, сув ҳавзасида чўмилиш сочларнинг қўшимча сувсизланишига олиб келади. Бундан ташқари, қуёшга таъсир қилиш нафақат соч толасига зарар етказиши, балки соч тўкилишини ҳам қўзғатиши мумкинлиги исботланган.
Куз ва қишда сочларга ғамхўрлик қилмаслик
Сочлар иссиқ бош кийимлар ичида ҳам зарарланиши мумкин. Иссиқ шапкалар ёғ ажралишининг компенсацион ортишига ёрдам беради, бошнинг юқори ҳарорати ҳам фойдали эмас — бу капилляр спазмга олиб келиши мумкин. Қишда бош терисининг сезгирлиги ошади, дерматологик касалликлар, масалан, дерматит, псориаз пайдо бўлиши мумкин. Бош кийим остидаги сочлар тезда ташқи кўринишини йўқотади, тезроқ кир бўлади. Умуман олганда, қишда аралаш турдаги сочларнинг ҳолати одатда оғирлашади, ҳам тери қуриб, ҳам ёғ ажралиш жараёни кучаяди.
Чекиш ва спиртли ичимликлар
Чекишнинг соч фолликулалари ишига токсик таъсири исботланган. Чекувчиларда соч тўкилиши фаолроқ бўлади, бундан ташқари, соч тўкилишининг генетик шакллари оғирлашади. Спиртли ичимликларни истеъмол қилиш нафақат сочга, балки бутун организмга ўзининг салбий таъсирини кўрсатади.
Изоҳ (0)