Tirnoqlardagi akril qoplamani uy sharoitida olib tashlashning oson usullari (video)

Tirnoqlaringizdagi akril qoplamani olib tashlash kerak, lekin salonga borishga vaqtingiz yoki imkoningiz yo‘qmi? Aslida akrilni olib tashlash oson ish emas, buni barcha ko‘rsatmalarga rioya qilgan holda juda ehtiyotkorlik bilan bajarish kerak.

Uy sharoitida tirnoqlardagi akrilni aseton bilan qanday o‘chirish mumkin?

Pilka yordamida olib tashlang

Pilkadan foydalanib, iloji boricha qalin akril qoplamasini ko‘chirib tashlang. Buning uchun qattiqligi 100/180 bo‘lgan pilka yoki tirnoq kesgich kerak bo‘ladi. Tirnoq atrofidagi teriga ehtiyot bo‘ling.

Tirnoqlarni asetonga botiring

Akril iloji boricha olib tashlangan akrilni yumshatish uchun tirnoqlarga aseton qo‘llashni tavsiya qiladi.

Buning ikkita usuli bor: Birinchi holatda har bir tirnoqqa aseton bilan namlangan paxta diskini qo‘yib, barmoqlar uchini folga bilan o‘rash lozim. Ikkinchi usulda qo‘llarni asetonli idishga botirish mumkin. Bu usul oson, lekin teriga salbiy ta’sir ko‘rsatishi mumkin. Bundan tashqari, ko‘p vaqt talab etadi.

Agar oxirgi variantni tanlasangiz, teri qurib ketmasligi uchun faqat barmoq uchlarini idishga botiring. Bu muolajani faqat havo yaxshi aylanadigan joyda qilish kerak, chunki aseton juda uchuvchan suyuqlik bo‘lib, nafas olish sistemasini zararlashi mumkin.

Qolgan akrilni ehtiyotkorlik bilan olib tashlang

Asetonga botirgandan so‘ng, har 20 daqiqada tirnoqlaringizni tekshiring va yumshoq akrilni apelsin tayoqchasi bilan olib tashlang. Bu jarayonni qoplamaning hammasi erimaguncha takrorlang.

Tirnoqlardagi akrilni asetonsiz qanday ketkizish mumkin?

Tirnoqlarni tozalash vositasidan foydalanib ham olib tashlashingiz mumkin. Ammo esda tuting: akrilni asetonsiz ketkazmoqchi bo‘lsangiz, bunga ko‘p vaqt ketadi. Buni quyidagicha amalga oshirish lozim:

• tirnoq olgich bilan iloji boricha akril qoplamani kesib, tirnoqlarni qisqartiring. Bu namlash vaqtini kamaytiradi.

• tabiiy tirnoqni kesmasdan akrilni olib tashlash uchun 100/180 pilkadan foydalaning. Bu har qanday qatlamni olib tashlaydi va eritmaning kirib borishini osonlashtiradi.
• paxtani tirnoqdagi bo‘yoqni o‘chirish vositasi bilan namlang va barmog‘ingizning uchini 5 santimetr uzunlikdagi folga bo‘lagi bilan o‘rang. 15-20 daqiqa kuting, so‘ngra folga va paxtani olib tashlang.
• tirnoqlarda akril qolgan bo‘lsa, yana lak tozalash vositasidan foydalaning.
• tirnoqlarda qolgan eritmani ketkizish uchun qo‘l yuvishni unutmang.