НАТО Россиянинг Укаинага ҳужуми сабаб 24 март куни ўтказилган фавқулодда саммити якунлари бўйича баёнот берди.
Альянснинг маълум қилишича, Россия зудлик билан сулҳ эълон қилиб, Украина билан музокараларга «жиддий ёндашаётганини» намойиш этиши керак. «Музокаралар вақтида Россия тажовузининг давом этиши қораланишга лойиқ», — дейилади баёнотда.
НАТО олдингидек Украинага ҳарбий кучини мустаҳкамлаш орқали ўзини ҳимоялаш ҳуқуқини амалга оширишига ёрдам беришни ваъда қилган. Альянс, шунингдек, Украинага киберхавфсизлик ва кимёвий, биологик ҳамда ядро таҳдиддан ҳимояланишда ёрдам кўрсатишни давом этади.
Альянс Болгария, Руминия, Венгрия ва Словакия ҳудудида тўртта халқаро гуруҳ тузилишини эълон қилган — бу альянснинг 40 минг ҳарбий хизматчиси шарқий чегараларга кўчилишига қўшимча бўлади.
НАТОнинг 24 март кунги саммитида Украина президенти Владимир Зеленский ҳам чиқиш қилган. У альянсдан Украинага самолёт ва танклар етказиб беришни сўрагани, бироқ аниқ жавоб олмаганини билдирган.
Аввалроқ БМТ Хавфсизлик кенгаши Россиянинг Украинадаги гуманитар вазият бўйича резолюциясини қабул қилмаганди.
Изоҳ (0)