«Барселона» Италиянинг «Рома» клуби билан август ойида ўйин ўтказади.
Каталон клуби римликлар клубини ўртоқлик мусобақасига таклиф қилмоқчи, дея хабар қилмоқда Diario Sport.
Анъанавий Жоан Гампер Кубоги 2022 йилнинг 6 ёки 7 август кунида ўтказилиши режалаштирилган.
Шунингдек, «Барселона» мавсумлар оралиғида Австралия ва АҚШда ўртоқлик ўйинлари ўтказишга келишиб олган.
Гампер Кубоги ҳар йили ўтказилади, жорий йилги мусобақа саноқ бўйича 57-си бўлади. 2021 йилда «Барселона» ушбу ўйин доирасида «Ювентус»ни енгиб (3:0), ғалабага эришганди.
«Рома» сафида ўзбекистонлик ҳужумчи Элдор Шомуродов ҳаракат қилади. 26 ёшли футболчи 2021/22 йилги мавсум А Серияда 21 та ўйин ўтказиб, иккита гол ва учта голли узатма муаллифига айланди.
Изоҳ (0)