Ҳужумчи Пауло Дибала «Ювентус»ни тарк этишга яқин турибди.
Sky Sport Italia нашрига кўра, 21 март куни 28 ёшли ҳужумчининг агенти ва клуб раҳбарияти ўртасида учрашув бўлиб ўтган. Томонлар унда аргентиналик футболчининг янги битими шартларини муҳокама қилган ва келиша олмаган.
Шу тариқа ҳамма нарса ёзда шартномаси тугайдиган Дибаланинг мавсум якунида Турин клубини эркин агент сифатида тарк этишига қараб кетмоқда.
Айни дамда футболчига асосий даъвогар «Интер» ҳисобланади. Шунингдек, унга «Атлетико» ҳам қизиқиш билдирмоқда. Аввалроқ, «Ливерпуль» ва «Манчестер Сити»нинг Паулони текинга қўлга киритмоқчи эканлиги тўғрисида хабарлар янграганди.
Маълумот учун, Дибала 2015 йилнинг ёзида «Палермо»дан 41 миллион евро эвазига туринликлар сафига ўтган. 2021/22 йилги мавсумда у Италия А Сериясида 21 ўйин ўтказиб, 8 та гол ва 5 та голли узатмага муаллифлик қилди. Бундан ташқари, Чемпионлар Лигасида ҳам ўз номига 3 та гол ва битта голли узатма ёздириб қўйган.
Трансфермаркт портали аргентиналик ҳужумчининг трансфер нархини 40 миллион еврога баҳолаган.
Изоҳ (0)