Futbol bo‘yicha Ispaniya La Ligasining 29-turidan o‘rin olgan qator uchrashuvlar 20-mart, yakshanba kuni bo‘lib o‘tdi.
Turning markaziy o‘yini “Real” va “Barselona” jamoalari o‘rtasida kechdi. Uchrashuvning 29-daqiqasida Pyer-Emerik Obameyang katalonlarni oldinga olib chiqdi. 38-daqiqada Ronald Arauxo mehmonlarning ikkinchi golini urdi.
Ikkinchi bo‘lim debyutida “Barselona” yana ikki bor madridliklar darvozasini ishg‘ol qildi: Ferran Torres Obameyangning uzatmasini golga aylantirgan bo‘lsa, oradan bir necha daqiqa o‘tib, gabonlik futbolchi dubl qayd etdi. Qolgan vaqtda hisob o‘zgarishsiz qoldi.
“Barselona” ushbu g‘alabadan keyin ochkolarini 54 taga yetkazib oldi va uchinchi o‘rinda bormoqda. “Real” 66 ochko bilan peshqadamlikda davom etmoqda.
La Liga musobaqa jadvali, o‘yinlar taqvimi va to‘purarlar ro‘yxati shu yerda — ko‘rish.
La Liga
29-tur bahslari
20-mart, yakshanba
“Real Madrid” — “Barselona” 0:4
Gollar: 0:1 – 29 Obameyang, 0:2 – 38 Arauxo, 0:3 – 47 Ferran Torres, 0:4 – 51 Obameyang.“Real Madrid”: Kurtua, Karvaxal (Mariano Dias, 46), Alaba, Militao, Nacho (Vaskes, 63), Modrich, Kroos (Kamavinga, 46), Kazemiro, Valverde, Rodrigo (Asensio, 63), Vinisius Junior.
“Barselona”: ter Shtegen, Arauxo, Pike, Erik Garsiya, Alba (Dani Alves, 86), Buskets, de Yong (Gavi, 71), Pedri (Niko Gonsales, 86), Obameyang (Depay, 71), Dembele (Traore, 80), Ferran Torres.
Ogohlantirishlar: Kroos (22), de Yong (26), Buskets (31), Modrich (63), Alba (74), Kamavinga (82), Vaskes (88), Niko Gonsales (88).
Izoh (0)