Кир ювиш машинаси ва кийимларга зарар етказувчи хатолар

Биз кўпинча кир ювишда хатоларга йўл қўямиз, бу нафақат кийимга таъсир қилади, балки машинанинг ишлаш муддатини ҳам қисқартиради.

Антибактериал воситалардан фойдаланмаслик

Кўчадан кийимимизга илаштириб анча-мунча бактерияларни олиб келамиз. Оддий кукун ёки гел билан ювганда улар ўлмайди. Ҳозирда танлов имконияти жуда кенг, шу сабабли антибактериал кир ювиш воситаларидан фойдаланинг.

Кир ювиш машинасини тозаламаслик

Ташқаридан қараганда барабан топ-тоза, демак, ҳаммаси жойида. Аммо ичида кир тўпланганини кўрмаймиз, шунинг учун машинани ҳар ой тозалаб туриш лозим. Махсус тозалаш воситалари мавжуд, аммо қўлда тозалаш ҳам мумкин. Бундан ташқари, эшикдаги резиналарда занг ва моғор пайдо бўлади. Фильтрни ҳам аслида ҳар кир ювгандан кейин тозалаш керак. Бу 10 дақиқагина вақтингизни олади холос.

Кийимларни кир ювиш машинаси нотўғри солиш

Жинсларни тескари ҳолда ювиш керак. Шунингдек, нозик матолардан тайёрланган нарсалар — свитер, пахтали кўйлак ва блузкалар ҳам. Бу ювиш ва сиқиш пайтида мато шикастланишининг олдини олади.

Машинага жуда кўп кир солиш

Йўриқномада машина 5 килограммгача қуруқ кирни юва олиши мумкинлиги ёзилган бўлса-да, барибир уни аяш керак. Ювиш самарали бўлиши учун барабанда кафт баландлигида бўш жой бўлиши керак. Акс ҳолда кийимларга эримаган кир ювиш кукуни ёпишиб қолиши мумкин.

Пайпоқларни сараламаслик

Машина биздан пайпоқлар ёрдамида ўч олишини биласизми? Кўпинча улар резина манжетга ёпишиб қолади. Пайпоқларни махсус тўрли халтада ювган маъқул, топилмаса эски ёстиқ жилди ҳам бўлаверади.

Кийим ёрлиғига эътибор бермаслик

Агар ёрлиқда кимёвий тозалаш бўлса, бу фақат шундай тозалаш керак деган маънони англатади. Машинада ювиш, ҳатто энг нозик режимда ҳам, 80 фоиз эҳтимол билан мато сифатини бузади. Бундай кийимлар кир ювиш машинасида ювилмайди, жуда бўлмаганда қўлда ювинг.

Сиқиш тезлигини созламаслик

Пахтадан тайёрланган мато дақиқада максимал 600 сиқишга бардош бера олади. Чойшаб ва сочиқлар — 1400 гача. Жинсилар 900 гача сиқиш тезлигига бардош бера олади, нозик матолар эса атиги 400. Агар сиқиш кучлироқ бўлса, матога зарра етади ва тез эскиради.