«Барселона» 11 ўйиндан буён мағлубиятга учрамаяпти.
Каталония жамоаси Европа Лигаси 1/8 финали доирасида «Галатасарой» устидан 2:1 ҳисобида ғалаба қозонди ва чорак финал йўлланмасини қўлга киритди. Шу тариқа испан клуби мағлубиятсиз ўйинларини 11 тага етказди. Жамоа сўнгги бор Испания Кубоги доирасида «Атлетик»ка 2:3 ҳисобида имкониятни бой берганди. Хави шогирдлари 8 ўйинда ғалаба қозонди, 3 та ўйинда дуранг натижа қайд этди.
«Кўк-анорранглилар»нинг кейинги ўйини 20 март, якшанба куни «Реал»га қарши бўлиб ўтади. «Барселона» 51 очко билан 3-ўринда бормоқда, мадридликлар эса 66 очко билан мусобақа пешқадами бўлиб турибди.
Хави «Барселона» бош мураббийлигига келганидан сўнг клуб 24 та ўйин ўтказиб, 13 та ғалаба, 7 та дуранг натижа қайд этди, 4 маротаба мағлубиятга учради.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)