Бугун,

  • USD 11095.31
  • RUB 173.84
  • EUR 10772.44

Самарқанд вилоятининг Оқдарё туманида 2021 йилнинг 25 май куни маст ҳолда автомобиль бошқаргани учун 24 ой муддатга автомобиль бошқариш ҳуқуқидан маҳрум бўлган Damas ҳайдовчиси яна автомобиль бошқариб, 12 ёшли қизни уриб юборди. Бу ҳақда «Дарё»га вилоят ИИБ ахборот хизмати хабар берди.

Қайд этилишича, 2022 йилнинг 11 март куни соат 18:30 да Оқдарё тумани «Пичоқчи» маҳалласи ҳудудидан ўтган 4К—538 автомобиль йўлининг 1-километрида шу йўналишда ҳаракатланиб келган Damas ҳайдовчиси йўлни кесиб ўтаётган 12 ёшли пиёдани уриб юборган.

ЙТҲ натижасида тан жароҳати олган пиёда зудлик билан Оқдарё туман шошилинч тез тиббий ёрдам бўлимига ётқизилган. Бироқ кўрсатилган муолажага қарамасдан вояга етмаган пиёда шифохонада вафот этган.

Ҳозирда ҳолат юзасидан терговга қадар текширув ишлари олиб борилмоқда.

Изоҳ
Асосий янгиликлар
Маҳаллий
«Дарё» кундалигида 2 декабрда содир бўлган энг муҳим воқеалар
Маҳаллий
«Ифлослантирувчи тўлайди» тамойили, «яшил сертификатлар», энергия улушини камайтириш: Мирзиёев «яшил» иқтисодиёт тақдимоти билан танишди
Дунё
Британия разведкаси Россия Украинадаги урушда қуруқликдан ҳужум қилолмаётгани сабабини тушунтирди