Ижтимоий тармоқларда Самарқанд шаҳар Буюк ипак йўли кўчасида яшовчи Л.П.нинг ўғли томонидан тазйиқ остида қолиб, нафақа пуллари олиб қўйилаётгани, унинг ўзи шифохонада ётгани бўйича мурожаатлар тарқалганди. Вилоят Ички ишлар бошқармаси ҳолатга муносабат билдирди.
Қайд этилишича, вазият Самарқанд шаҳри бўйича ИИО ФМБ ходимлари томонидан атрофлича ўрганиб чиқилган. Ўрганишлар натижасида ҳақиқатан ҳам фуқаро Л.П.нинг (1946 йилда туғилган) фарзанди Д.П. (1980 йилда туғилган) мунтазам равишда спиртли ичимликлар истеъмол қилиб, онаси билан доимий жанжаллашиб келгани аниқланган.
Келгусида Л.П.га қилиниши мумкин бўлган тазйиқ ва зўравонликларнинг олдини олиш мақсадида унга ҳимоя ордери берилиб, уларнинг оиласи профилактика инспекторининг доимий назоратига олинган. Д.П. билан келгусида бу каби ҳаракатларни содир этмаслиги юзасидан якка тартибдаги профилактик суҳбат ўтказилган. Шунингдек, Л.П.нинг соғлигини текшириш мақсадида тиббий кўрикдан ўтказилди.
Изоҳ (0)