Сурхондарё вилояти Бойсун туманида 10 март куни маст ҳолдаги фуқаро ўз ўйида улфатини пичоқлади. Бу ҳақда Тергов департаменти хабар қилди.
Қайд этилишича, 10 март кунига ўтар кечаси соат 00:30 ларда «Мустақиллик» маҳалласида яшовчи Қ.А. (21 ёшли) ўзининг яшаш уйида маҳалладоши Қ.М. (26 ёшл) билан биргаликда спиртли ичимлик истеъмол қилган. Маст ҳолатда ўзаро тортишиб, жанжаллашиб қолган. Оқибатда Қ.А. ошхона пичоғи билан Қ.М.нинг қорин қисмига бир маротаба санчиб, тан жароҳати етказган.
Бойсун тумани суд тиббий экспертиза бўлимининг дастлабки маълумотномасига кўра, Қ.М.га «ҳаёт учун хавфли бўлган оғир» турдаги тан жароҳати етказилгани аниқланган.
Ҳолат юзасидан Қ.А.га нисбатан Жиноят кодекснинг 104-моддаси 2-қисми «л» банди (қасддан баданга оғир шикаст етказиш) билан жиноят иши қўзғатилиб, у эҳтиёт чораси сифатида қамоққа олинган. Ҳозирда тергов ҳаракатлари давом этмоқда.
Изоҳ (0)