Давлат хавфсизлик хизмати Сурхондарё вилояти бўйича бошқармаси томонидан вилоят ИИБ ходимлари билан ҳамкорликда Сурияда фаолият юритувчи халқаро террорчилик гуруҳлари таркибида жанговар тайёргарликдан ўтиб, Ўзбекистонга қайтган шахс қўлга олинди, деб хабар беради ЎзА.
Маълум бўлишича, музработлик 21 ёшли С.А. 2019 йилда диний таълим олиш мақсадида Мисрга чиқиб кетган. Бироқ бу шахс Мисрда ҳужра шароитида диний таълим олиш жараёнида «Тавҳид ва жиҳод катибаси» террорчилик гуруҳи аъзоларининг ғоявий таъсирига тушган бўлиб, ушбу манзилдан Туркия орқали Суриянинг «ўчоқли ҳудуд»ларига чиқиб кетган ҳамда жанговар тайёргарликдан ўтиб, 2022 йилнинг февраль ойида Ўзбекистонга қайтиб келган.
Амалга оширилган фаол тадбир натижасида қўлга олинган С.А.га нисбатан Жиноят кодексининг тегишли моддалари билан жиноят иши қўзғатилган бўлиб, тергов ҳаракатлари олиб борилмоқда.
Аввалроқ Сирдарёда халқаро террористик ташкилотга аъзолиги учун қамалган маҳкум қамоқхонадан туриб экстремистик гуруҳ тузгани, Сурхондарёда Суриядаги жангарилар лагерига қўшилишни режалаштирган 21 ёшли йигит ушлангани тўғрисида хабар берилганди.
Изоҳ (0)