Енгил вазн тоифасида UFC собиқ чемпиони Ҳабиб Нурмагомедов UFC шон-шуҳрати залидан ўрин олди. Бу ҳақда 5 март (Тошкент вақти билан 6 март тонги) куни ўтказилган UFC 272 мусобақасида маълум қилинди.
«Бургут UFC шон-шуҳрати залига қўнди. Ҳабибни шон-шуҳрат залидан жой олган 2022 йилдаги дастлабки жангчи бўлгани билан табриклаймиз», — дейилади UFC хабарида.
Нурмагомедов сўнгги жангини 2020 йилнинг октябрида Жастин Гэтжига қарши ўтказган ва шундан кейин фаолиятини якунлаганди.
Сўнгги бор UFC шон-шуҳрат залидан икки вазн тоифасининг собиқ чемпиони Жорж Сен-Пьер жой олганди. Шунингдек, янги давр жанфчилари орасида Майкл Биспинг, Рашад Эванс, Юрая Фабер, Би Жей Пенн ва Форест Гриффин каби яккурашчилар ушбу мақомга эришган.
Изоҳ (0)