4—5 март кунлари Украинадан Польшанинг Катовице аэропорти орқали 666 нафар Ўзбекистон фуқароси, шу жумладан, 89 нафар аёл, 59 нафар вояга етгаман шахс ва 8 нафар чақалоқ олиб келинди. Бу ҳақда Ташқи ишлар вазирлиги расмий вакили маълум қилди.
28 февралдан 5 мартга қадар 14 та авиарейс ташкиллаштирилган ва 3 245 нафар Ўзбекистон фуқароси ватанга қайтарилган. Шунингдек, 5 март куни ҳам қатор рейслар амалга оширилиши режалаштирилган.
Ўзбекистонниг Киев шаҳридаги элчихонаси саъй-ҳаракатлари билан Трускавец шаҳрида даволанаётган 20 нафар ўзбекистонлик эвакуация қилинган. Суми вилояти маъмурияти билан бу ердаги олийгоҳларда ўқиётган 25 ўзбек талабасини олиб чиқиш учун «яшил йўлак» очиш масаласи ишлаб чиқилмоқда.
«Ўзбекистоннинг Украинадаги элчихонаси ватандошлар билан доимий мулоқот олиб бормоқда. Дипломатлар Украинанинг турли нуқталарида, шу жумладан, жанг ҳаракатлари давом этаётган ҳудудларда бўлиб, фуқароларимизни эвакуация қилиш ишларини амалга оширмоқдалар», — дейилади хабарда.
Аввалроқ ТИВ Польша аэропортида Ўзбекистон фуқаролари орасида жанжал ва можаро бўлгани ҳақидаги хабарлар юзасидан изоҳ берганди.
Изоҳ (0)