Uzbekistan Airways Россиянинг Ростов-Дон ва Краснодар шаҳарларига парвозларни Сочига ўзгартирди

Uzbekistan Airways Россия ҳаво ҳудудининг бир қисми ёпилиши билан боғлиқ чеклов сабаб бир қатор шаҳарларга парвозлар жадвали ва йўналишини ўзгартирди. Бу ҳақда авиакомпания матбуот хизмати хабар қилди

Қайд этилишича, 3 мартдан 26 мартгача Ўзбекистон—Сочи—Ўзбекистон йўналишида қўшимча қатновлар жорий этилади. Қўшимча рейслар киритилганидан келиб чиқиб, қуйидаги йўналишлар бўйича қатнови тўхтатилган:

• HY3687/3688 ва HY9687/9688 Тошкент—Краснодар—Тошкент йўналиши бўйича;
• HY9647/9648 Тошкент—Ростов-Дон—Тошкент йўналиши бўйича;
• HY9825/9826 Наманган—Краснодар—Наманган йўналиши бўйича парвозлар Сочи шаҳрига амалга оширилади.

Йўловчилар аэропортларга белгиланган вақтдан олдинроқ келиши керак бўлади. Шунингдек, йўловчилар Краснодар ва Ростов-Дон шаҳарларига ва шу шаҳарларидан аввал бекор бўлган парвозлар йўловчилари авиачипталарининг тўлиқ қийматини чипта сотиб олинган жойда қайтариб олиши мумкин ёки 3 мартдан бошлаб ҳар қандай бўш санага бепул қайта бронлаш ҳуқуқига эга.