Барселонада бўлиб ўтган 2022 йилги Жаҳон мобил конгрессида Huawei компанияси глобал операторлар, соҳадаги ҳамкорлар ва етакчи экспертлар билан биргаликда «Рақамли иқтисодиёт келажагини ёритиб» шиори остида мунозара ўтказди ва 5G соҳасидаги бизнес муваффақияти, экологик технологиялар, уланиш + IT ривожланиш омили, шунингдек, бизнес ва ижтимоий қадриятга алоҳида эътибор қаратилган Guide модели каби мавзуларни муҳокама қилди.
Жаҳон мобил конгресси майдонидаги Huawei кўргазмаси ўзига хос «Интеллектуал рақамли ўрмон» (DigiTelligent Forest) кўринишида безатилган бўлиб, у ҳозирда АКТ саноатида мавжуд улкан имкониятларни намойиш этади. Стендларда компаниянинг гигабитли мобил тармоқлари, булутли тармоқлар учун тезкор линиялари, тўлиқ оптик мақсадли тармоқлари, EiTO рақамли ва «ақлли трансформация» воситалари ва барқарор ривожланиш бўйича мажмуавий ечимлар каби энг янги маҳсулотлар ва ечимлар намойиш этилган. Huawei ўз кўргазмаси билан мижозлар учун қиймат яратиш ва ўзининг ижтимоий мажбуриятларини бажариш учун инновацион ёндашувларга содиқлигини намойиш этади.
Huawei компаниясининг яқинда тақдим этилган Guide бизнес лойиҳаси рақамли тармоқ етказиб берувчиларига соҳа бўйича кўмак беради ва операторларнинг келгуси ўн йилликларда бизнесда муваффақиятга эришиш учун ривожлантириши керак бўлган бешта асосий жиҳатни ажратиб кўрсатади: хизматлар соҳасини кенгайтириш, самарали инновациялар, ресурслардан оқилона фойдаланиш, қиймат учун рақобат ва жамиятнинг ривожланишига ҳисса қўшиш.
Компания операторларнинг экологик хавфсиз бизнесни ривожлантириш стратегиясини қўллаб-қувватлайди. «Яшил сайтлар», «яшил тармоқлар» ва «яшил фойдаланиш»ни ўз ичига олган «яшил ечим»ларнинг тўлиқ спектри орқали Huawei компамияси «Кўпроқ бит, камроқ ватт» тамойили доирасида операторларга тармоқ узатиш имкониятини ошириш ва ҳар бир бит учун қувват сарфини камайтиришга ёрдам беришга интилмоқда.
Huawei операторларга илғор 5G тармоқларини кенг ёйишга имконини берадиган оддий, экологик ва «ақлли АКТ» инфратузилмасини яратишга интилиб, бутун дунё бўйлаб турли операторлар ва соҳадаги ҳамкорлари билан ҳамкорлик қилмоқда. Мустақил синов натижалари шуни кўрсатадики, Huawei компанияси 13 мамлакатда, жумладан, Швейцария, Германия, Финляндия, Нидерландия, Жанубий Корея ва Саудия Арабистонида ўз мижозларига тақдим этаётган 5G тармоқлари оптимал хизмат кўрсатиш сифатини таъминламоқда.
Huawei аллақачон саноат 5G тармоқларини ўрнатиш бўйича 3000 дан ортиқ шартнома имзолаган. Компания турли соҳалардаги операторлар ва ҳамкорлар билан ҳамкорликда янги технологияларни саноатда қўллаш бўйича кенг тажриба орттирмоқда. Huawei 5G технологиялари, алоҳида премиум класс каналлари, интеллектуал булутли тармоқлар, маълумотларни қайта ишлаш марказлари ва булутли ҳисоблашларни бирлаштирган инновацион XtoB ечимларини тақдим этиш орқали операторлар учун саноатни рақамлаштириш бўйича янги имкониятларни яратишга интилмоқда.
MWC 2022 ҳақида
2022 йилги Жаҳон мобил конгресс 28 февралдан 3 мартгача Испаниянинг Барселона шаҳрида бўлиб ўтади. Huawei компанияси ўз маҳсулотлари ва ечимларини Fira Gran Via конференция марказининг 1-залидаги 1H50 стендида намойиш этади. Глобал операторлар, соҳа экспертлари ва фикр етакчилари билан учрашувимиз доирасида биз рақамли тармоқларнинг келажаги, жумладан, соҳанинг ривожланиш йўналишларини, Guide келажак тармоқ модели ва экологик ривожланиш масалаларини муҳокама қиламиз. Қўшимча маълумотларни сайтдан, қуйидаги ҳавола орқали олишингиз мумкин: https://carrier.huawei.com/en/events/mwc2022.
Реклама ҳуқуқи асосида.
Изоҳ (0)