Ўзбекистон миллий терма жамоаси 25—29 март кунлари Navruz Cup—2022 мусобақасида иштирок этади. Бу ҳақда ЎФА матбуот хизмати маълум қилди.
Наманганда бўлиб ўтадиган мазкур мусобақада Ўзбекистон терма жамоасидан ташқари Қирғизистон, Тожикистон ва Уганда термалари иштирок этади.
Мусобақа «тўрт финалчи» тизимида ўтказилади. Ярим финалда Ўзбекистон терма жамоаси Қирғизистон билан ўйнайди. Ўйин ғолиби финалда Тожикистон — Уганда учрашуви ғолибига қарши баҳс олиб боради. Ярим финалда ютқазган жамоалар учинчи ўрин учун ўйнайди.
Ярим финал ўйинлари 25 март санасида бўлиб ўтса, финал ва учинчи ўрин учун учрашув 29 март санасига белгиланган.
Барча учрашувлар Намангандаги «Марказий» ўйингоҳида бўлиб ўтади.
Изоҳ (0)