O‘zbekiston milliy terma jamoasi 25—29-mart kunlari Navruz Cup—2022 musobaqasida ishtirok etadi. Bu haqda O‘FA matbuot xizmati ma’lum qildi.
Namanganda bo‘lib o‘tadigan mazkur musobaqada O‘zbekiston terma jamoasidan tashqari Qirg‘iziston, Tojikiston va Uganda termalari ishtirok etadi.
Musobaqa “to‘rt finalchi” tizimida o‘tkaziladi. Yarim finalda O‘zbekiston terma jamoasi Qirg‘iziston bilan o‘ynaydi. O‘yin g‘olibi finalda Tojikiston — Uganda uchrashuvi g‘olibiga qarshi bahs olib boradi. Yarim finalda yutqazgan jamoalar uchinchi o‘rin uchun o‘ynaydi.
Yarim final o‘yinlari 25-mart sanasida bo‘lib o‘tsa, final va uchinchi o‘rin uchun uchrashuv 29-mart sanasiga belgilangan.
Barcha uchrashuvlar Namangandagi “Markaziy” o‘yingohida bo‘lib o‘tadi.
Izoh (0)