Дунёни эзгулик қутқариши ҳақида ҳикоя қилинувчи ажойиб сюжетга эга фильмлар (видео)

Баъзида кинолар ҳақиқатан ҳам дунёқарашни ўзгартира олади. Ушбу Голливуд фильмлари аслида дунёни эзгулик қутқариши ҳамда ҳар бир инсон яхшилик манбаси бўлиши мумкинлигини эслатиб туради.

«Яхшилик қил» – 2000 йил

Бундай фильмлар ҳар бир киши қўллаб-қувватлашга муҳтожлигини унутмаслик учун ҳам керак. Агар картинани кўргандан сўнг, ҳеч бўлмаганда бир киши бошқасига яхшилик қилса, бу, албатта, катта муваффақиятдир. Ҳеч бўлмаганда, шундай қилиш истаги пайдо бўлади: бош қаҳрамон – еттинчи синф ўқувчиси Тревор ҳатто энг эътиборсиз одамни ҳам илҳомлантиради.

«Етти ҳаёт» – 2008 йил

«Етти ҳаёт» – бу чуқур ҳиссий драма, афро-америкалик актёр Уилл Смит ва италиялик режиссёр Габриэле Муччино ўртасидаги иккинчи ҳамкорлик. Бен исмли қаҳрамон автоҳалокатда етти киши ҳалок бўлганидан кейин у ўзининг одамлар олдидаги бурчини ҳис қилади. Барча ҳаётий тамойилларини кўриб чиқиб, у ҳақиқатан ҳам ёрдамга муҳтож бўлганлар номидан ўзини қурбон қилишга қарор қилади.

«1+1» – 2011 йил

Кино тарихидаги энг ажойиб фильмлардан бири бўлиб, у икки бутунлай бошқа инсонлар: танаси фалаж бўлган бой аристократ Филипп ва ҳаёти жуда қийин кечган оддий йигит Дрис ҳақида ҳикоя қилади. Шундай қилиб, бутунлай фарқ қилувчи одамлар ўртасида мустаҳкам дўстлик ўрнатилади, бу иккаласининг ҳаётини яхши томонга ўзгартиради.

«Энг яхши ёлғон» – 2014 йил

Тўрт фарзанд – Мамере, Ийремея, Пол ва Абитал Судандаги фуқаролар уруши даҳшатларидан мўъжизавий тарзда омон қолишга муваффақ бўлади. Ўн уч йил ўтиб, тақдир уларга ҳаётни янгидан бошлаш учун бахтли имконият беради. Африкалик қочқинларни мослаштириш дастурида иштирок этиб, улар Америкага келишади ва у ерда уларнинг урф-одатлари ва қадриятлари билан танишади. Бироқ урушнинг аянчли оқибатлари уларни таъқиб қилишда давом этади.

«Кўринмас томон» – 2009 йил

Шедевр-фильм – кинотанқидчилар уни «Оскар »мукофотига номзодлар рўйхатига киритилганида шундай деб атаган, кейин Сандра Буллок ушбу фильмдаги бош рол учун орзу қилинган ҳайкалчани олган. Дўстона ва бой оила томонидан бошпана топган ўсмирнинг ҳикояси. Натижада у ҳаётда ўз йўлини топди ва футбол юлдузи бўлди. Картина ҳар қандай одамнинг ҳаётида оиланинг қўллаб-қувватланиши қанчалик муҳимлигини таъкидлайди.

«Қалбимда рақсга тушаман» – 2004 йил

Фильм ногиронлар уйида яшовчи Майкл исмли йигит ҳақида. У ўсимлик каби яшайди, кундалик режимга кўра, ҳар бир янги кун аввалгисининг нусхаси. Аммо бир куни у янги бемор Рори билан учрашади. Майкл сингари Рори ҳам фақат ногиронлар аравачаси ёрдамида ҳаракатланади. Аммо унинг дунё ҳақидаги қарашлари ва ҳаётдаги мавқейи Майклни ҳеч нарса имконсиз эмаслигини тушунишига мажбур қилади.