Futbol bo‘yicha Fransiya chempionatining 25-turidan o‘rin olgan “PSJ” va “Nant” jamoalari o‘rtasidagi o‘yin 19-fevral, shanba kuni bo‘lib o‘tdi.
“Nant” mezbonligida o‘tgan bahs kutilmaganda “PSJ”ning 1:3 hisobidagi mag‘lubiyati bilan yakunlandi. Mezbonlar 1-taymning o‘zida parijliklar darvozasini javobsiz uch bor ishg‘ol qilishga muvaffaq bo‘ldi. Gollarga Randal Kolo-Muani, Kanten Merlen va Lyudovik Blas mualliflik qildi.
“PSJ” bu gollarga faqatgina ikkinchi 45 daqiqalikning boshida Neymarning yagona goli bilan javob qaytara oldi. 59-daqiqada esa braziliyalik forvard penaltidan unumli foydalana olmadi.
Shu tariqa “PSJ” Lionel Messi, Kilian Mbappe va Neymardan iborat hujum triosi qatnashgan o‘yinda 2 ta to‘p farqi bilan mag‘lubiyatga uchradi.
Mag‘lubiyatga qaramay Maurisio Pochettino jamoasi eng yaqin ta’qibchisini 13 ochkoga ortda qoldirgan holda musobaqa jadvalida peshqadamlik qilmoqda. 5-o‘rindagi “Nant”ning hisobida esa 38 ochko bor.
Liga 1
25-tur bahsi
19-fevral, shanba
“Nant” – “PSJ” 3:1
Gollar: 1:0 – 4 Kolo-Muani, 2:0 – 16 Merlen, 3:0 – 45, penalti Blas, 3:1 – 47 Neymar.“Nant”: Lafon, Pallua, Appia, Kastelletto, Merlen (Traore, 90), Jirotto, Chirivelya, Blas (Pereyra, 90), Bukari (Korshya, 67), Saymon (Koko, 90), Kolo-Muani.
“PSJ”: Navas, Kerer (Hakimi, 74), Markinyos, Kimpembe, Bernat (Mendesh, 74), Veynaldum (Draksler, 65), Guye (Ikardi, 81), Verratti, Messi, Neymar (di Mariya, 74), Mbappe.
Ogohlantirishlar: Kastelletto (18), Verratti (38), Appia (45), Veynaldum (45), Neymar (50), Mbappe (83), Hakimi (90), di Mariya (90).
Izoh (0)