«Lisa.ru» нашри ёмон одатлар туфайли жуда эрта вафот этган иқтидорли ва муваффақиятли машҳурлар ҳақида маълумот беради.
Мерилин Монро
Мерилин қийин ва оғир ҳаёт кечирган: бошпанасиз ўтган болалиги, яқинларининг сотқинлиги, эрта турмуш қуриш ва эркаклар хиёнати. Монро тез-тез қўрқув ва тушкунликка тушишга мойил бўлиб, бундай ҳолатлар билан махсус дорилар ёрдамида курашган. У уйқу таблеткаларини ҳам қабул қилиб, уларни тетиклаштирувчи дорилар билан алмаштириб ичган. 1962 йил август ойида актриса антидепрессантларнинг ортиқча дозаси туфайли вафот этди. Расмий версияга кўра, у бир нечта дориларни катта дозада ичиш орқали ўз жонига қасд қилган.
Курт Кобейн
Курт, шубҳасиз, жуда истеъдодли мусиқачи эди. Балки, у эрта вафот этмаганида яна кўплаб мусиқий дурдона асарлар ёзган бўларди. Кўпчилик мусиқачи тақиқланган моддалардан ўлганига амин. Кобейннинг танишларидан бирининг сўзларига кўра, у гиёҳванд моддалар учун кунига 500 доллар сарфлаши мумкин эди. Қариндошлари ва дўстлари унга ёрдам беришга, уни даволашга ҳаракат қилишди, лекин ҳар сафар у касалхонадан қочиб кетди. Сўнгги пайтларда Курт тез-тез тушкунликка тушиб, ҳатто бир марта ўз ўлимини башорат ҳам қилган.
1994 йилда 27 ёшли мусиқачи ўз уйида бошидан ўқ узилган ҳолда топилган. Курт ўлими олдидан ёзган хатида: «Мен тинглаш ёки мусиқа ёзганимда ҳаяжонни ҳис қилмай қўйдим», деб изоҳ қолдирган. Шифокорлар унинг қонидан катта дозадаги тақиқланган моддаларни аниқлаган.
Уитни Хьюстон
Уитни ҳақиқий юлдуз эди – агар ёмон одатлари бўлмаганида яна узоқ вақт порлаган бўларди. Қўшиқчи гиёҳванд моддаларни истеъмол қилган, ҳатто бир марта уларни самолёт бортига олиб ўтишга урингани учун аэропортда қўлга олинган. Хьюстон ҳақиқатан ҳам касалликдан халос бўлишни хоҳлаган, лекин бунга иродаси етмаган.
2012 йилда «Гремми» мукофоти топшириш арафасида хонанда Беверли Хилтон меҳмонхонасида ўлик ҳолда топилган. Маълум бўлишича, Уитни гиёҳванд моддаларни истеъмол қилиш оқибатида юзага келган юрак хуружи туфайли ҳаммомда чўкиб кетган.
Хит Лежер
Хит истеъдодли ва истиқболли актёр бўлган. Агар эрта вафот этмаганида, у яна кўп фильмларда ўйнаши мумкин эди. Актёр доимий равишда суратга олиш майдончасида ғойиб бўлганлиги ва кунига кўпи билан икки соат ухлагани сабабли кун бўйи тетик юриш учун турли антидепрессантлар ичишни бошлаган. Аммо бу Лежер учун ҳалокат билан тугади: актёр гиёҳванд анаболиклар, уйқу таблеткалари ва антидепрессантларни аралаштириб юборди, бу эса мастликни келтириб чиқарди. Хит вафот этганида атиги 28 ёшда эди.
Изоҳ (0)