“Lisa.ru” nashri yomon odatlar tufayli juda erta vafot etgan iqtidorli va muvaffaqiyatli mashhurlar haqida ma’lumot beradi.
Merilin Monro
Merilin qiyin va og‘ir hayot kechirgan: boshpanasiz o‘tgan bolaligi, yaqinlarining sotqinligi, erta turmush qurish va erkaklar xiyonati. Monro tez-tez qo‘rquv va tushkunlikka tushishga moyil bo‘lib, bunday holatlar bilan maxsus dorilar yordamida kurashgan. U uyqu tabletkalarini ham qabul qilib, ularni tetiklashtiruvchi dorilar bilan almashtirib ichgan. 1962-yil avgust oyida aktrisa antidepressantlarning ortiqcha dozasi tufayli vafot etdi. Rasmiy versiyaga ko‘ra, u bir nechta dorilarni katta dozada ichish orqali o‘z joniga qasd qilgan.
Kurt Kobeyn
Kurt, shubhasiz, juda iste’dodli musiqachi edi. Balki, u erta vafot etmaganida yana ko‘plab musiqiy durdona asarlar yozgan bo‘lardi. Ko‘pchilik musiqachi taqiqlangan moddalardan o‘lganiga amin. Kobeynning tanishlaridan birining so‘zlariga ko‘ra, u giyohvand moddalar uchun kuniga 500 dollar sarflashi mumkin edi. Qarindoshlari va do‘stlari unga yordam berishga, uni davolashga harakat qilishdi, lekin har safar u kasalxonadan qochib ketdi. So‘nggi paytlarda Kurt tez-tez tushkunlikka tushib, hatto bir marta o‘z o‘limini bashorat ham qilgan.
1994-yilda 27 yoshli musiqachi o‘z uyida boshidan o‘q uzilgan holda topilgan. Kurt o‘limi oldidan yozgan xatida: “Men tinglash yoki musiqa yozganimda hayajonni his qilmay qo‘ydim”, deb izoh qoldirgan. Shifokorlar uning qonidan katta dozadagi taqiqlangan moddalarni aniqlagan.
Uitni Xyuston
Uitni haqiqiy yulduz edi – agar yomon odatlari bo‘lmaganida yana uzoq vaqt porlagan bo‘lardi. Qo‘shiqchi giyohvand moddalarni iste’mol qilgan, hatto bir marta ularni samolyot bortiga olib o‘tishga uringani uchun aeroportda qo‘lga olingan. Xyuston haqiqatan ham kasallikdan xalos bo‘lishni xohlagan, lekin bunga irodasi yetmagan.
2012-yilda “Gremmi” mukofoti topshirish arafasida xonanda Beverli Xilton mehmonxonasida o‘lik holda topilgan. Ma’lum bo‘lishicha, Uitni giyohvand moddalarni iste’mol qilish oqibatida yuzaga kelgan yurak xuruji tufayli hammomda cho‘kib ketgan.
Xit Lejer
Xit iste’dodli va istiqbolli aktyor bo‘lgan. Agar erta vafot etmaganida, u yana ko‘p filmlarda o‘ynashi mumkin edi. Aktyor doimiy ravishda suratga olish maydonchasida g‘oyib bo‘lganligi va kuniga ko‘pi bilan ikki soat uxlagani sababli kun bo‘yi tetik yurish uchun turli antidepressantlar ichishni boshlagan. Ammo bu Lejer uchun halokat bilan tugadi: aktyor giyohvand anaboliklar, uyqu tabletkalari va antidepressantlarni aralashtirib yubordi, bu esa mastlikni keltirib chiqardi. Xit vafot etganida atigi 28 yoshda edi.
Izoh (0)