Ижтимоий тармоқларда Тошкент вилоятидаги мактаблардан бирида ташкил этилган тадбирда ўқувчи қизлар юпун кийимда меҳмонларни кутиб олишга чиққани акс этган сурат тарқалди. Вилоят Халқ таълими бошқармаси ҳолатга муносабат билдирди.
Қайд этилишича, ҳолат юзасидан бошқарма ходимлари ўрганиш ишлари олиб борган. Унда аниқланишича, ҳолат 14 февраль куни вилоятнинг Қибрай туманидаги «Янгийўл» МФЙ ҳамда «Олтин мерос» хайрия жамоат фонди томонидан ташкил этилган тадбирда кузатилган.
Маҳалла фуқаролар йиғини тадбирни ўтказиш учун Қибрай туман халқ таълими тасарруфидаги 29-сонли мактабнинг фаоллар залидан фойдаланган. Ташкилотчилар ўқувчи қизлардан тадбирга таклиф этилган меҳмонларни кутиб олишда амалий ёрдам беришини сўраган. Мактаб раҳбарияти бунга розилик билдирган ва ҳаво совуқ бўлишига қарамай, ўқувчи қизлар юпун кийимда меҳмонларни кутиб олишга жалб этилган.
«Тошкент вилоят Халқ таълими бошқармаси бу каби ҳолатларни кескин қоралайди. Тизим тасарруфидаги таълим муассасаларида ўз тадбирларни ўтказишни режалаштирган ташкилот ва мактаблар раҳбариятидан бу каби ҳолатларга эътиборли бўлишга чақиради ва бу каби ҳолатлар такрорланмаслиги учун ушбу ҳолатга йўл қўйган мактаб раҳбариятига чора кўрилади», — дейилади хабарда.
Мавзуга доир:
- «Ходимларга интизомий чора кўрилади». Шовотда туман ҳокими иштирокидаги тадбирда юпун кийинган боғча тарбияланувчиларига оид ҳолатга изоҳ берилди
- «Маросим ташқарида 5-6 дақиқа давом этган». Бахмалда туман ҳокими иштирокидаги тадбирда юпун кийинган ўқувчи қизлар совуқда қолдирилганига изоҳ берилди
- «Буни мажбурий меҳнатга тенглаштирамиз» — Абдуқодир Тошқулов талаба қизларнинг хорижлик меҳмонларни кутиб олишга жалб қилиниши ҳақида
Изоҳ (0)