Наманган шаҳрида каналга тушиб кетган енгил автомобиль қутқарувчилар томонидан олиб чиқилди. Бу ҳақда «Дарё» мухбири Азизбек Абдувалиев хабар бермоқда.
15 февраль куни тушки пайт вилоят Фавқулодда вазиятлар бошқармасига Наманган шаҳри, «Ғунча» маҳалласи ҳудудидан оқиб ўтувчи Шимолий Фарғона каналига енгил автомобиль тушиб кетганлиги ҳақида хабар келиб тушди.
Бошқарма қидирув-қутқарув гуруҳи зудлик билан воқеа жойига йўл олди. Махсус техника ва ғаввослар ёрдамида амалга оширилган саъй-ҳаракатлар натижасида Nexia-2 русумли машина сув тубидан олиб чиқилди.
Мазкур автомобиль ҳайдовчиси машинани ҳайдаб кетаётган пайтда бошқарувни йўқотиб, каналга қулагани маълум бўлди. Унинг ўзи ва оила аъзоларига жиддий тан жароҳати етмаган.
Изоҳ (0)