Исталган кийимга мос тушадиган ҳамда сарфланган пулни оқлайдиган оёқ кийимлар (фото)

Оёқ кийим сотиб олиш нафақат ёқимли, балки жуда масъулиятли жараёндир. Қандай пойабзал танлашни бир неча марта ўйлаб кўриш керак: доимий ёки замонавий, баланд пошнали ёки қулай. Стилистларнинг таъкидлашича, бир мавсумдан кўпроқ кийиладиган ва пулни тежайдиган оптимал моделлар мавжуд.

Кембриж герцогиняси ва бошқа юлдузлар кўпинча ҳар қандай кийим ва турли ҳолатлар учун классик туфлилар танлайди. Стилистлар юқори сифатли ва, энг муҳими, қулай пойабзал танлашни маслаҳат беришади. Улар универсал бўлиб, кундалик фаолият, зиёфатга бориш учун ҳам мос келади. Ушбу қулай туфлилар кўп фаслларга хизмат қилади ва оёқларни бош айланадиган платформадаги моделларга қараганда анча яхши сақлайди.

Кедалар узоқ вақтдан бери классика тоифасига ўтган. Нейтрал ёки замонавий моделларни тор ёки текис джинси шимлар, ҳатто кўйлаклар билан кийиш мумкин. Тренд кроссовкалар таглиги ўртача қалинликда бўлиб, аввалги ўта қалин ва бироз қўпол кўринувчи моделлар урфдан қолди. Стилистлар услубни яратиш осонроқ бўлган классик моделларга устунлик беришни маслаҳат беради, уларни модадан қатъи назар, кўпроқ кийиш мумкин.

Мавсум ораси этик кийишга иссиқ ва пойабзал учун совуқ бўлса, иссиқ ва қулай ботинкалар харид қилиш мумкин. Ҳар қандай кийим билан, ҳатто узоқ юришларда ҳам кийиш учун товон баландлиги қулай бўлган чарм моделларни танлаш мумкин. Аммо баланд пошнали ҳамда совуқ ўтказувчи безакли пойабзал сотиб олиб, пулни ҳавога сарфламаслик керак, унда оёқлар шунчаки кўпроқ чарчайди.

Агар кроссовкалар қулай бўлса-ю, лекин боғлаш қийинчилик туғдирса, у ҳолда слипон харид қилиш мумкин. Қулайликдан ташқари, бугунги кунда бу енгил пойабзаллар кенг ранг палитрасида тақдим этилган ва джинси, ҳатто енгил кўйлаклар билан уйғун кўринади. Уларнинг классик дизайни бир неча мавсум давомида кийиш имконини беради.

Босоножка сотиб олаётганда, минималист дизайндаги моделлар доимо модада бўлишини ва фойдали бўлишини унутмаслик лозим. Кечки либос учун пойабзал танлашда муаммо пайдо бўлмайди, чунки бундай оёқ кийимлар ҳар қандай ранг ва услубга мос келади. Мураккаб безаклилари эса маълум бир кийим учун сотиб олинади ва шкафда чанг тўплайди.

Бундай этикларнинг лаконик моделлари нафақат қулай, иссиқ, балки джинси билан ҳам ажойиб кўринади. Юлдузлар ҳам бу пойабзаллардан севиб фойдаланади, кундалик ҳаётда буни афзал кўришади. Стилистлар тасвирнинг кайфиятини мувозанатлаш ва ортиқча безакдан қочиш учун бундай этикларни либослар билан кийишдан қўрқмасликка чақиради. Танлашда оддийгина безакларсиз моделларга эътибор қаратиш лозим. Кейинчалик харид афсуслантирмайди ва бир неча мавсум давомида хизмат қилади.

Биринчи челси этиклари қиролича Викториянинг пойабзал тикувчиси томонидан тайёрланган. Этикнинг пастки қисми ён томони эластик тасма билан тикилган, шунинг учун уларни осонгина кийиб, ечиш мумкин. Улар ўтган асрнинг 60 йилларидан бери урфда, замонавий классик пойабзал мақомига эга бўлган ва бугунги кунгача сақланиб қолди. Ҳар бир аёл ўзини малика каби ҳис қилиши, ушбу моделнинг қулайлигидан баҳраманд бўлиши, бу этикларни миди-юбкалар ва джинси шимлар билан кийиш мумкин. Стилистларнинг огоҳлантиришича, баъзи замонавий платформадаги челси этиклари нисбатларни бузиши ва кўринишни ноқулай қилиши мумкин. Шунинг учун классика ҳамиша пул сарфлашга арзийди.

Юқори сифатли ботинкалар, албатта, сизга бир неча йиллар давомида содиқлик билан хизмат қилади ва сарфланган пулни оқлайди. Бундай пойабзал нафақат классик рангларда, балки ёрқин ва тўқроқ вариантларда ҳам мавжуд. Агар узоқ юришни яхши кўрсангиз ва гардеробда кўп джинси шимлар бўлса, бу этиклар энг яхши вариантлардан биридир.

Ушбу этиклар классик ҳисобланади. Улар, албатта, сотиб олишга арзийди, чунки улар иш, тадбир ва сайрга бориш учун универсалдир. Тавсия ўрнида табиий тери рангидаги лаконик моделларни танлаган маъқул, тўқ қизилдан қора ранггача. Моделларнинг ортиқча декорация ва контрастли қўшимчаларидан сақланиш лозим. Шунингдек, ушбу пойабзал ҳар қандай кийимга мос келади ва уларни йиллар давомида кийиш мумкин.