Барча нарса мода чегаралари билан шартли кўринадиган дунёда ўз аҳамиятини йўқотган моделлар ҳали ҳам ўз ўрнида. Севимли пойабзалингиз модадами ёки йўқлигини текширинг ва харидларингизни оқилона режалаштиринг. Чунки баҳор яқинлашмоқда.
Кроссовка услубидаги платформалар бўйни баланд кўрсатишига қарамай, аллақачон урфдан чиқди. Улар бироз ноқулайлиги, ҳамма кийим билан комбинация ҳосил қилмаслиги, шунингдек, оёқни визуал равишда калта кўрсатиши туфайли ўз ўрнини таг қисми қалин бўлган оддий спорт оёқ кийимларига бўшатди. Ушбу кроссовкалар ҳар қандай кийим билан мослаша олади ҳамда жуда қулай.
Шунингдек, бир неча йиллар аввал урфда бўлган мўйнали этикларни ҳам ҳеч қандай безакциз тикилган чармли этикларга алмаштириш афзалроқ. Сабаби юзаси нам тортувчи мўйнали пойабзал ёмғирли ва ҳатто қорли об-ҳавога ҳам мос келмайди, балки бир қанча қийинчиликлар туғдиради. Шунинг учун дизайнерлар ҳар томонлама қулай бўлган оддий чармли этик харид қилишни тавсия этади.
Узунлиги тиззагача бўлган этиклар ҳам ҳар қандай мукаммал образга путур етказиши табиий. Чунки уни на шим ва на юбка билан мослаштириш мумкин. Шунинг учун агар ҳаво совуқ бўлса, шунчаки бироз иссиқроқ пойабзал кийган маъқул.
Албатта, бундай кўринишдаги туфлилар баҳор учун айни муддао. Лекин оёқ кийимнинг замш ёки бошқа қалин матодан тикилгани яши эмас. Гўёки уни этик билан қиёслаш мумкин. Яхшиси ҳамма томони очиқ, шунингдек, баҳорий рангдаги пойабзалларни либосга мослаган ҳолда кийиш тавсия этилади.
Таг қисми жуда юпқа бўлган матоли кедалар барча қизларнинг орзуси эди. Аммо вақт ва шунга яраша мода ҳам ўзгарди. Энди уларни кийиш оёққа ҳам бироз ноқулай ҳамда пайпоқнинг кўриниб туриши образга путур етказади. Шу туфайли кедалардан узоқлашмаган ҳолда таг қисми қалинроқ, тепаси ҳам тўпиққача узун бўлган янги ва қулай услубдаги кедалар харид қилиш мумкин.
Изоҳ (0)