Андижон вилоятининг Шаҳрихон туманидаги «Қоракўрпа» маҳалласида жойлашган хусусий шифохонада газ портлаши содир бўлгани, оқибатда бир киши вафот этгани хабар берилганди. Воқеа жойида бўлиб турган «Дарё» мухбирининг хабар беришича, вилоят ҳокими Шуҳратбек Абдураҳмонов бошчилигидаги масъуллар воқеа жойини кўздан кечирмоқда.
Шифохонага яқин ошхонада фаолият юритувчи воқеа гувоҳларидан бирининг айтишича, портлаш содир бўлган пайтда улар плита босиб қолган қизга ёрдам берган.
«Дарё» мухбирининг аниқлаштиришича, плита остидан олиб чиқилган ва сўнгра вафот этган қиз портлаш оқибатида ҳаётдан кўз юмган иккинчи қурбон бўлиши мумкин.
«Бир киши қўлимизда жон берди. Ундан ташқари ичкарида ҳам беморлар кўп эди. Аҳвол жуда ёмон эди. Тез ёрдамга ҳам ўзимиз қўнғироқ қилиб, чақирдик», — дейди воқеа гувоҳи.
Бош прокуратура ахборот хизмати раҳбари Ҳаёт Шамсутдиновнинг расмий Телеграм каналида маълумот берилишича, Шаҳрихондаги портлаш юзасидан Жиноят кодексининг 257-моддаси (меҳнатни муҳофаза қилиш қоидаларини бузиш) билан жиноят иши қўзғатилган.
Ҳаёт Шамсутдинов ҳам вилоят Фавқулотда вазиятлар бошқармаси маълумотини тасдиқлаб, воқеа оқибатида бир киши вафот этганини билдирган.“Тумандаги хусусий диагностика ва даволаш масканида ҳаво-газ аралашмасининг чақнаши содир бўлиши оқибатида 1 нафар киши вафот этган, 11 нафар киши жароҳатланган”, — дейилади Бош прокуратура ахборот хизмати раҳбари берган маълумотда.
Аввалроқ Фавқулодда вазиятлар вазирлиги аввалроқ ҳодиса оқибатида 7 киши жабрланганини маълум қилганди.
Мавзуга доир:
- «Ҳаммомдан чиқмоқчи бўлиб турганимизда портлаш бўлди, кейин билсам, икки шеригим вафот этибди». Фарғонадаги портлашдан жабрланганлар воқеа ҳақида
- «Газ ҳиди чиқса, сезардик». Деновдаги кучли портлаш жабрланувчилари билан суҳбат
- Намангандаги хонадонда газ портлаши оқибатида эр-хотин ва уларнинг 3 нафар фарзанди куйиб, тан жароҳати олди
Изоҳ (0)