70 йил тахтда: Елизавета II нинг сўнгги ярим асрда яратган энг чиройли образлари (фото)

1952 йил 6 февралда Елизавета II тахтга ўтирди ва 70 йил давомида Буюк Британияни бошқариб келмоқда. Бу бошқа Британия монархларидан кўра кўпроқ ҳукмронлик деганидир. Қиролича ўз ҳукмронлигининг платина тўйини нишонлаётган айни вақтда унинг энг ёрқин образларини ёдга оламиз.

2022 йил 21 апрель куни Елизавета II ўзининг 96 ёшини нишонлайди. Сўнгги етмиш йил давомида бутун дунё эътиборини унга қаратди ва бу унинг қиролича бўлганлиги учун эмас, балки унинг ўзига хос услубига ҳам боғлиқ.

Ҳамиша жамият эътиборида бўладиган инсонлар доимо мукаммал кўринишда бўлиши керак. Елизавета II эса буни жуда яхши уддалайди.

Елизавета 25 ёшида ҳукмрон монархга айланди ва у қатъий қоидаларга мувофиқ кийиниши керак эди. Аммо қандай қилиб ёш қиз севимли услубини бутунлай тарк этиши мумкин?

Махсус маросим ва зиёфатлар учун қиролича нозик маржон, елка қисми очиқ ва мўйнали либосларни танлади. Қўлқоплар эса янада чекланган образни бойитишга ёрдам берди.

Ўта кенг ҳажмли кўйлаклар қоматни таъкидловчи либослар билан алмаштирилди. Ўша йилларда қироллик дизайнери Харди Амис эди, у тенденциялар ва қатъий қоидалар ўртасидаги мувозанатни яратди. У Елизавета учун бош кийим учун ҳарир матолар ва замонавий рангларни танлади.

90 йилларнинг бошларида Елизавета II нинг гардеробида икки қисмли юбка-костюмлар пайдо бўла бошлади, бу кейинчалик унинг ўзига хос белгисига айланди. У бунинг учун Жон Андерсондан миннатдор.

Кейинчалик қиролича тобора кўпроқ кўйлак ва пальтода кўриниш берди.

Кейт Миддлтон ва шаҳзода Уильямнинг тўйида Елизавета сариқ рангдаги либосни танлади.

Меган Маркл ва шаҳзода Гаррининг никоҳ маросимида эса оч яшил ранг либосда ташриф буюрди.

Лекин мода ўзгарса-да, образда нимадир сақланиб қолади. Шундай қилиб, ҳукмронлик қилаётган қироличанинг макияжида фақат битта нарса — севимли рангдаги ёрқин лаб бўёғи ўзгармади.

Қиролича сумкалардан ҳам воз кечмайди, шунингдек, Британиянинг Launer брендининг аксессуарларини маъқул кўради. Қироллик саройи учун шляпалар Somerville бренди томонидан етказиб берилади.

Қиролича турмуш ўртоғининг ўлими муносабати билан фақат қора либос кийди, аммо ҳамиша унинг янги ёрқин чиқишларини кутаётганлар ҳам йўқ эмас.