Оммавий тиқилинчда 10 киши ҳалок бўлган Astroworld фестивалидан сўнг хонандаларнинг ўзи ҳам концерт давомида залдаги хавфсизликни диққат билан кузатиб борадиган бўлди. Америкалик хонанда Билли Айлиш ҳам ўз концертида мухлисасининг ҳаётини қутқариб қолди.
Хонанда чиқиш вақтида ҳаракатсиз қотиб қолган бир қизга эътиборини қаратди ва дарҳол шоуни тўхтатиб, шифокорларни ёрдамга чақирди. Маълум бўлишича, мухлисага ингалятор керак бўлган ва яхшиямки, бу Биллининг ўзида бор эди.
Айтганча, қизга ёрдам берилар экан, Билли концерт пайтида хавфсизлик қоидаларини эслатиб ўтган. У ташриф буюрган барчадан тинчланишни, чуқур нафас олишни ва сиқилишнинг олдини олиш учун бир-биридан маълум бир масофада узоқлашишни сўради. «У ўзини яхши ҳис қилгунча кутаман, шундан кейингина давом этамиз», – дея қўшимча қилган хонанда.
Изоҳ (0)