Америкалик телеюлдуз, модель ва ишбилармон аёл Кайли Женнер ва рэпер Трэвис Скотт 2022 йил 2 февраль куни иккинчи марта ота-она бўлди. Бу ҳақда у Instagram’да маълум қилди, деб ёзади «Korrespondent.net».
Кайли ўз саҳифасида катта қизи Сторми янги туғилган чақалоқнинг жажжи қўлини ушлаб турган таъсирчан сурат билан бўлишди. Постнинг изоҳига қўйилган кўк юракчадан чақалоқнинг ўғил эканини тушуниш мумкин.
Женнер ҳали чақалоққа исм қўймаган бўлса-да, бир неча соат ичида суратга 13 миллиондан ортиқ лайк босилди.
Эслатиб ўтамиз, Кайли ҳомиладор экани ҳақидаги миш-мишлар 2021 йилнинг август ойида пайдо бўлган эди. Маълумотларга кўра, жуфтлик деярли бир йил давомида фарзанд кутган. Шунингдек, Женнер катта оилани орзу қилишини ва камида тўртта фарзанд кўришни хоҳлашини ҳеч қачон яширмаган. Унинг биринчи фарзанди — қизи Сторми 2018 йил 1 февралда туғилган.
Изоҳ (0)