Футбол бўйича Италия А Сериясининг 24-турида «Милан» ва «Интер» жамоалари 5 февраль, шанба куни ўзаро тўқнаш келди.
Милан дербиси мақомида ўтган ўйинда «россонерилар» иродали ғалабани ўзиники қилди. 18-дақиқада Иван Перишич ҳисобни очиб, «Интер»ни ҳисобда олдинга олиб чиқди. Жамоалар танаффусга шу ҳисобда йўл олди.
Иккинчи 45 дақиқалик Стефано Пиоли шогирдларига аталди ва унда Оливье Жиру катта саҳнага чиқди. Франциялик ҳужумчи 75 ва 78-дақиқаларда кетма-кет 2 та гол уриб, «Милан»га иродали ғалабани тақдим этди.
Ушбу ғалабадан кейин «Милан»нинг очколари 52 тага етди, «Интер» эса мағлубиятга қарамай пешқадамлик қилишда давом этмоқда.
А Серия
24-тур баҳси
«Интер» — «Милан» 1:2
Голлар: 1:0 – 38 Перишич, 1:1 – 75 Жиру, 1:2 – 78 Жиру.«Интер»: Ҳанданович, Думфрис, де Врей, Шкриньяр, Бастони (Дармиан, 82), Перишич (Димарко, 70), Брозович (Весино, 82), Чалхонўғлу (Видаль, 73), Барелла, Жеко, Мартинес (Санчес, 70).
«Милан»: Меньян, Калабрия, Романьоли, Калулу, Эрнандес, Кессиэ (Браим Диас, 58), Беннасер (Крунич, 80), Салемакерс (Junior Мессиас, 46), Тонали, Жиру, Рафаэл Леау.
Огоҳлантиришлар: Романьоли (21), Чалханўғлу (60), Браим Диас (72), Беннасер (76), Шкриньяр (84), Крунич (90).
Четлатиш: Эрнандес (90).
Изоҳ (0)