Samarqandda qoidabuzar haydovchining telefonini tortib olishga uringan viloyati YHXB xodimiga xizmat tekshiruvi tayinlandi. Bu haqda Samarqand viloyati IIB axborot xizmati boshlig‘i ma’lum qildi.
Ma’lum qilinishicha, 2022-yilning 23-yanvar kuni Narpay tumani hududidan o‘tuvchi M-37 avtomobil yo‘lining 102-kilometrida xizmat vazifalarini olib borayotgan viloyat IIB YHXB 4-otryadi xodimlari yo‘l harakati qoidalarini buzib harakatlanib kelayotgan Nexia’ga to‘xtash ishorasini bergan vaqtida, haydovchi xodimlarning qonuniy talabiga bo‘ysunmay, harakatlanib ketgan.
Shundan so‘ng, haydovchi I.N (2001-yilda tug‘ilgan) ushlanib, unga nisbatan qonunda belgilangan tartibda ma’muriy bayonnoma rasmiylashtirilgan va avtotransport vositasi vaqtinchalik saqlash uchun jarima maydonchasiga joylashtirilgan. Haydovchi inspektorni tasvirga olmoqchi bo‘lgan vaqtida xodim fuqaroning qo‘lidagi telefonini tortib olishga harakat qilgan.
Xodimning harakatiga huquqiy baho berish maqsadida xizmat tekshiruvi tayinlangan. Natijasi to‘g‘risida tekshiruv yakuniga ko‘ra xabar beriladi.
Avvalroq Navoiyda YPX xodimini kaltaklagan haydovchi qilmishidan pushaymonligini aytgani, Sirdaryoda alkotester o‘rniga bir martalik stakandan foydalangan YPX xodimiga hayfsan berilgani, Farg‘onada xizmat mashinasida yo‘l qoidasini buzgan YPX xodimi jarimaga tortilgani, Sirdaryoda YPX xodimi alkotester o‘rniga bir martalik stakandan foydalanishga uringani to‘g‘risida xabar berilgandi.
Mavzuga doir:
- “Mayli, ‘oformit’ qilsin. Jazosi pul, tanish-bilish ko‘p” — Toshkentda mast ayol YPX xodimlarini aldashga urindi
- Andijonda haydovchi bilan qo‘pol munosabatda bo‘lgan YPX xodimi ishdan haydaldi (video)
- Kattaqo‘rg‘onda soliqchining o‘limida aybdor deb topilgan YPX inspektorlari ozodlikdan mahrum qilindi
Izoh (0)