26 январдан бошлаб автомобилларга газ тўлдириш шохобчалари фаолияти вақтинча тўхтатилади. Бу ҳақда АОКАда ўтган брифингда Энергетика вазирлиги ахборот хизмати маълум қилди.
Вазирлик хабарига кўра, мамлакатни электр энергияси билан таъминлаш даражаси 26 январь соат 09:30 ҳолатига 70 фоизни ташкил қилмоқда.
Таъкидланишича, газ заправкаларнинг фаолиятини вақтинча тўхтатиб туришдан асосий мақсад ижтимоий соҳа объектлари, ишлаб чиқариш корхоналари ва аҳолига газни етказиб беришдан иборат.
Элмира Бекмуродованинг сўзларига кўра, юзага келган носозликлар сабабли мамлакатдаги мавжуд газ қазиб олиш конлари ва уни қайта ишлаш заводларида технологик жараёнларнинг бузилиш ҳолатлари кузатилмоқда. Бу эса ўз навбатида газ ишлаб чиқариш ҳажмининг камайишига олиб келяпти. Шу сабабли ИЭСларда газ босимининг камайиши мавжуд ва бу электр энергияни ишлаб чиқаришга салбий таъсир кўрсатмоқда.
Шу сабабли 26 январдан автомобилларга газ тўлдириш станциялари фаолиятига вақтинчалик чекловлар киритилади, шунингдек, юридик истеъмолчиларга ҳам табиий газ етказиб бериш тўхтатилади.
Аввалроқ Энергетика вазирлиги хонадонлардаги ортиқча электр жиҳозларини тармоққа уламасликни сўраганди. Таъкидланишича, юзага келган носозликлар сабабли мамлакатдаги мавжуд газ қазиб олиш конлари ва уни қайта ишлаш заводларида технологик жараёнларнинг бузилиш ҳолатлари кузатилмоқда.
Изоҳ (0)