Сирдарё тумани ҳокимининг тегишли қарори билан Нозим Муратов Сирдарё тумани ободонлаштириш бошқармаси бошлиғи лавозимига тайинланди.
Қарорда келтирилишича, Нозим Муратов ушбу лавозимга 2021 йилнинг 30 декабридан икки ойлик синов муддати билан тайинланган.
Эслатиб ўтамиз, 2021 йилнинг 13 июнида Сирдарё тумани ҳокимлиги масъуллари ва давлат ташкилотлари раҳбарлари ва раққосалар акс этган видеолавҳа тарқалиб, кенг муҳокамаларга сабаб бўлганди.
Вилоят ҳокимлиги муносабатида воқеа 2020 йил октябрь ойининг ўрталарида тахминан кеч соат 21:00 да (ишдан ташқари вақтда) Сирдарё туманидаги «Евро Азия» ресторанида содир бўлгани билдирилиб, давлат хизматчиларига лавозимдан озод этиш каби қатъий чора қўлланилиши белгилангани айтилганди.
14 июнь куни Сирдарё тумани ҳокими ўринбосари Нурали Мирзаев ва Сирдарё тумани ободонлаштириш бошқармаси бошлиғи Нозим Муратовлар эгаллаб турган лавозимларидан озод этилганди.
Изоҳ (0)