Футбол бўйича Англия чемпионатининг 22-туридан ўрин олган «Манчестер Сити» ва «Челси» жамоалари ўртасидаги учрашув 15 январь, шанба куни бўлиб ўтди.
Турнинг марказий ўйини мақомида ўтган баҳс тақдирини ягона гол ҳал қилиб берди. 70-дақиқада Кевин де Брюйне жарима майдончаси ташқарисидан кучли зарба йўллаб, ҳисобни очди. Шундан сўнг дарвозаларга бошқа тўп киритилмади.
Шу тариқа «Манчестер Сити» ўз майдонида «Челси» устидан кичик ҳисобда ғалаба қозонди.
«Шаҳарликлар» ушбу ғалабадан сўнг очколари сонини 56 тага етказиб олди ва биринчи ўринни янада мустаҳкамлади. «Челси» эса 43 очко билан иккинчи ўринда бормоқда.
АПЛ
22-тур баҳси
15 январь, шанба
«Манчестер Сити» – «Челси» 1:0
Гол: 1:0 – 70 де Брюйне.«Манчестер Сити»: Эдерсон, Уокер, Стоунз, Ляпорт, Жоау Канселу, де Брюйне (Гундўған, 85), Бернарду Сильва, Родри, Грилиш, Фоден (Жезус, 89), Стерлинг.
«Челси»: Аррисабалага, Аспиликуэта, Тиаго Сильва, Рюдигер, Сарр, Алонсо (Маунт, 81), Ковачич, Канте, Зиёш (Ҳадсон-Одои, 69), Пулишич (Вернер, 69), Лукаку.
Огоҳлантиришлар: Алонсо (7), Ковачич (32).
Изоҳ (0)