«Реал» ҳужумчиси Карим Бензема France Football нашрига интервью бериб, бир қатор мавзуларда ўз фикрлари билан ўртоқлашди.
Криштиану Роналдунинг ‘Реал’даги даври ҳақидаФранциялик 34 ёшли футболчи 2021/22 йилги мавсумда «Реал» сафида барча мусобақалар доирасида 26 ўйин ўтказиб, 23 та гол ва 9 та голли узатмага муаллифлик қилди.У ‘Реал’да ўйнаганида йилига 50—60 та гол урган. Шунинг учун бу ҳақиқатга мослашишим керак эди. Майдонда кўпроқ ҳаракат қилишим, унга жой яратишим лозим бўларди.
У кетганидан сўнг назоратни қўлга олиш, гол уриш ва жамоадошларимга ёрдам бериш навбати менга келди. Жамоани ўз билганимча бошқаряпман ва ҳаммаси яхши кетмоқда.
Мен Роналду каби ўйнамайман, у ҳам Бензема каби ўйнамайди. Криштиану ‘Реал’да ўйнаганида, мен вазият яратиб берувчи, у эса якунловчи эди.
Ўйин услуби ҳақида
Агар статистик маълумотларни ҳисобга олмасак, кўп гол ураётганим сабабли ўйиним ўзгаргани йўқ деб ўйламайман. Мен ҳаракат қиляпман, вазиятлар яратяпман, голлар узатмалар беряпман. Доимо шундай ўйнай олганман. Ҳали ҳам ўша футболчиман.
Аввал ўйин услуби туфайли танқидларга учрагани ҳақида
Футбол аввалгидек томоша қилинмаяпти. Учрашув 90 дақиқа давомида томоша қилинмаяпти, бунинг ўрнига ижтимоий тармоқлар мавжуд.
Ўйинчининг майдонда нима қилаётганини кўриш учун вақт сарфланмаяпти, ҳамма фақат гол урган ўйинчига қарайди, эртасига эса у уни энг зўри деб топилади.
Бу мен билан ҳам содир бўлган. Мен унчалик яхши ўйнамаганман, лекин гол урганман ва энг яхши деб тан олинганман.
Менга бундай футбол ёқмайди, лекин келажакда бу нарса кўпайиб бораверади. Футбол фақат статистикага қараладиган спорт турига айланиб қолди. Бунга мослашиш керак ва буни яхши уддаладим.
Килиан Мбаппе ҳақида
Мбаппе аллақачон энг яхши ўйинчилардан бири ҳисобланади. Уни ёрқин келажак кутмоқда.
Терма жамоада бирга ўйнашимиздан хурсандман. Унинг салоҳиятини ва нималарга қодирлигини биламан.
Карим Бензема, ‘Реал’ ҳужумчиси
Изоҳ (0)