Футбол бўйича Италия А Сериясининг 22-туридан ўрин олган «Ювентус» ва «Удинезе» ўртасидаги учрашув 15 январь, шанба куни бўлиб ўтди.
Туринда ўтган ўйин мезбонларнинг ғалабаси билан якунланди. 19-дақиқада Пауло Дибала ҳисобни очди. 79-дақиқада эса Уэстон Маккенни орадаги фарқни ошириб, «Ювентус»га ишончли ғалабани тақдим этди.
Ушбу ғалабадан кейин Турин клубининг очколари сони 41 тага етди, Массимилиано Аллегри шогирдлари мусобақа жадвалида 5-ўриндан жой олган. Ҳисобида 20 очко бўлган «Удинезе» эса 15-поғонани эгаллаб турибди.
«Лацио» сафарда Чиро Иммобиленинг дубли эвазига «Салернитана»дан устун келди.
А Серия
22-тур баҳслари
15 январь, шанба
«Ювентус» – «Удинезе» 2:0
Голлар: 1:0 – 19 Дибала, 2:0 – 79 Маккенни.«Ювентус»: Шченсни, Ругани, де Лигт, Пеллегрини (Де Шилё, 57), Кулусевски (Бернардески, 46), Маккенни, Бентанкур (Рабьо, 82), Артур (Локателли, 46), Куадрадо, Дибала, Кин (Мората, 64).
«Удинезе»: Паделли, Соппи (Саксесс, 81), Нюйтинк, Зегелар, Перес, Удожи, Арслан (Самаржич, 85), Уолас (Яяло, 81), Макенго, Деулофеу (Пуссетто, 66), Бету.
Огоҳлантиришлар: Артур (23), Соппи (34), Зегелар (77).
Изоҳ (0)