Футбол бўйича Ангия Премьер Лигасининг 22-туридан ўрин олган бир қатор учрашувлар 16 январь, якшанба куни бўлиб ўтди.
«Ливерпуль» ўз уйида «Брентфорд»ни қабул қилди. Биринчи бўлим якунланиши арафасида Фабиньо майдон эгаларини олдинга олиб чиқди. 69-дақиқада Алекс Окслейд-Чемберлен жамоасининг иккинчи голини урган бўлса, 77-дақиқада Такуми Минамино ҳисобни йирик кўринишга олиб келди.
Мазкур ғалабадан кейин «қизиллар» очколарини 45 тага етказиб олган ҳолда 2-ўринга кўтарилди. «Ливерпуль» пешқадам «Манчестер Сити»дан 11 очкога ортда қолмоқда ва битта захира ўйинига эга.
Мазкур ўйинда «Ливерпуль» Африка Кубогига йўл олган етакчилари Муҳаммад Салоҳ ва Садио Манесиз ҳаракат қилди.
АПЛ
22-тур баҳслари
16 январь, якшанба
«Ливерпуль» — «Брентфорд» 3:0
Голлар: 1:0 – 44 Фабиньо, 2:0 – 69 Окслейд-Чемберлен, 3:0 – 77 Минамино.«Ливерпуль»: Алиссон, Александер-Арнольд, Матип, ван Дейк, Робертсон, Ҳендерсон, Фабиньо, Жонс, Окслейд-Чемберлен (Минамино, 74), Фирмино (Милнер, 78), Диогу Жота (Гордон, 82).
«Брентфорд»: Альваро Фернандес, Роэрслев, Янссон, Аер, Пиннок, Генри (Канос, 49), Нергор, Янелт, Баптист (Висса, 68), Тоуни, Мбемо (Йенсен, 75).
Изоҳ (0)