Uzbekistan Airways АҚШга киришда қўшимча талаблар қўйилгани сабаб фуқароларни огоҳлантирди

АҚШга бораётган ёки транзит орқали ўтадиган йўловчилар учун қўшимча талаблар қўйилди, деб хабар бермоқда Uzbekistan Airways.

Қайд этилишича, йўловчилар парвоздан камида 24 соат олдин топширилган манфий жавобли ПЗР тести талаб қилинади. Шунингдек, йўловчилар махсус аттестация варақасини тўлдириши ва рўйхатдан ўтиш пайтида уни босма шаклда тақдим этиши шарт.

АҚШга бораётган ёки транзит орқали ўтадиган йўловчилар, келишларидан камида 15 кун олдин COVID-19 га қарши тўлиқ эмланганини тасдиқлайдиган гувоҳномага эга бўлиши керак. Қуйидаги вакциналар қабул қилинади: AstraZeneca (SK Bioscience), AstraZeneca (Vaxzevria), Covishield, Covaxin, Janssen, Moderna (Spikevax), Pfizer-BioNTech (Comirnaty), Sinopharm ва Sinovac.

Ушбу вакциналарнинг комбинацияси (ўзаро қўлланилиши), агар улар камида 17 кун оралиғида киритилган бўлса, рухсат этилади. Бу:

• АҚШ фуқароларига;
• АҚШда яшаш гувоҳномасига эга шахсларга;
• 18 ёшга тўлмаган йўловчиларга;
• соғлиғи сабабли вакцинани ололмаслигини тасдиқловчи шифокорнинг мактубига эга йўловчиларга;
• АҚШ, бошқа ҳукумат ёки Бирлашган Миллатлар Ташкилоти томонидан тақдим этилган таклифнома хати ёки бошқа расмий ҳужжатга эга, хизмат юзасидан саёҳат қилаётган йўловчилар учун амал қилмайди.