ИИВ ЙҲХББ ижтимоий тармоқда тарқалган Қашқадарёда Cobalt автомобилининг газ баллони портлаб кетгани тасвирланган видео бўйича маълумот берди.
Маълум қилинишича, 2021 йилнинг 4 декабрь куни соат 14:10 ларда Муборак тумани Қорабоғ қишлоғида яшовчи фуқаро Ў.Л.нинг (1998 йилда туғилган) яшаш уйи ҳовлисида турган ўзига тегишли бўлган Cobalt русумли автомобилга ўрнатилган газ баллонида портлаш содир бўлган.
Ҳодиса натижасида тан жароҳати олган фуқаролар йўқ. Транспорт воситасига зарар етган.
Мазкур ҳодиса юзасидан Муборак туман ФВБ ҳамда ИИБ тергов бўлими томонидан дастлабки суриштирув ишлари олиб борилмоқда.
Аввалроқ Қашқадарёда ҳаракатланаётган Nexia’нинг газ баллони портлаб кетгани, Чироқчи туманида Nexia’га ўрнатилган газ баллони, 29 сентябрда эса Ғузорда ҳаракатланаётган Lacetti’нинг газ баллони портлагани тўғрисида хабар берилганди.
Изоҳ (0)