«Титаник»даги энг кекса қаҳрамонни гавдалантирган Глория Стюарт ёшлигида қандай кўринишга эга бўлган? (фото)

Жеймс Кемероннинг фильмида Роузнинг кексайганини гавдалантирган Глория Стюарт «Оскар»га ва «Олтин глобус» мукофотига Энг яхши иккинчи даражали актриса сифатида номзоди қўйилган. Ҳар икки мукофот ҳам «Лос-Ажелес сирлари» фильмидаги роли учун Ким Бейсингерга насиб қилган, аммо Стюарт шунда ҳам фаолияти эътироф этилганидан мамнун бўлиб қолган.

«Титаник»да 85 ёшида суратга тушган актриса карьерасининг бошида қандай кўринишга эга бўлгани ҳақида маълумот бериб ўтамиз. Глория Стюарт 1910 йил 4 июль куни Санта-Моникада дунёга келган. Унинг карьераси орада узилишлар билан 70 йил давом этган. Бу муддат давомида у театр, кино ва телевидение юлдузи бўлишга улгурган.

Глориянинг киносаноатдаги дебюти 22 йилда бўлган. Унинг илк катта лойиҳаси Universal Studios компанияси билан ҳамкорлик бўлган. Стюарт ўз ишини шунчалик қойиллатганидан WAMPAS Baby Stars реклама кампаниясининг рўйхатидаги 13 қиздан бири бўлган.

Глория Стюартнинг карьераси аста-секинлик билан ривожланган. У «Эски, қари уй», «Кўринмас одам», «Кўзгу олдидаги бўса» фильмларида иштирок этиб режиссёр Жеймс Вейлни ўзига мафтун қилган. Universal Studios’даги карьерасида муваффақиятсиз бўлганидан кейин у 20th Century Fox билан шартнома имзолаган. 1930 йиллар Глория учун жуда ҳам самарали кечган. 1933 йилдагина унинг иштирокидаги фильм премьераси бўлган. Шу билан у 10 йил ичида 28 та картинада суратга тушган.

Бу йилларда Кетрин Хепберн, Жоан Кроуфорд, Жудит Баррет, Френсис Дрейк, Тельма Тоддлар Голливудда машҳурликка эришган бўлган, Стюарт эса истеъдод борасида ҳам гўзаллик бобида ҳам улардан қолишмаган. Унинг карьерасига Иккинчи жаҳон уришининг таъсири бўлган. Оғир йиллар давомида Глория деярли суратга тушмаган. Қолаверса, қизини катта қилиши керак бўлган. Кун кўриш учун у мебель дўконига сотувчи бўлиб ишга кирган.

1940 йил ўрталарида Глория кинога қайтган, аммо у карьерасининг энг муваффақиятли давридаги сингари кўп рол ижро қилмаган. Орадан бир неча йил ўтиб эса у суратга олиш жараёнларидан чарчаганини маълум қилган. Барча янги сценарийлар билан танишиб чиқиб, кескин рад қилганидан кейин бекорга вақт сарфлаётганларини тушуниб етган Голливуддагилар уни тинч қўйишга қарор қилган. Кейинг 30 йил давомида у китоб ёзиш, рассомлик билан шуғулланган. У томонидан чизилган картиналар Нью-Йорк, АҚШ ва Европанинг бошқа йирик шаҳарларида галереялардан ўрин олган. Китобларини эса унинг ўзи чоп этган. Адади кам бўлган китоблардан тушган маблағ кундалик харажатлар учунгина етган. Дам олганидан кейин 1975 йилда катта экранларга қайтган актриса, 1982 йилда «Менинг энг яхши йилим»да суратга тушган. 1997 йилда эса Жеймс Кемероннинг «Титаник» фильмида рол ижро қилиш учун таклиф қилинган. Бир ҳафталик фаолияти учун суратга олиш майдончасидаги энг кекса актриса 10 минг долларга эга бўлган. 1998 йилда «Титаник» фильми учун 11 та «Оскар» мукофоти берилган. Глория Стюарт эса People журналининг Дунёнинг энг мафтункор 50 одамлари рўйхатидан ўрин олган.

Орадан бир йил ўтиб унинг «Мен фақат умид қилишда давом этаман» номли автобиографиясини тақдим этилган. Шундан кейин унинг шарафига Ғалаба хиёбонида юлдузча қўйилган. 2004 йилда Глория сўнгги марта суратга тушган. 95 ёшида унга ўпка саратони ташхиси қўйилган. Шунга қарамай, у жиддий касалликка эътибор бермасликка уринган. Ёши сабаб суратга тушмай қўйган ва камдан-кам ҳолларда интервью берган актрисанинг 100 йиллик юбилейида бошқа юлдузлар қаторида Жеймс Кемерон ҳам иштирок этган. У 2010 йил 26 сентябрда нафас етишмовчилигидан вафот этган.