Узоқ йиллар давомида кўпчилик анимацион кино фақат болалар учун яратилади деб ўйлаган. XXI асрда бу стереотипни буткул ўзгартириб юборган. Катта студиялар барчага қизиқ бўлиши мумкин бўлган оилавий кинолар ишлай бошлаган. Wday нашри ҳатто катталар учун ҳам қизиқарли мультфильмлар ҳақида маълумот бериб ўтади.
«Валл-И» (2008)
Ушбу мультфильмда инсоният ва роботларнинг севгиси ҳақида ҳикоя қилади. Унга кўра, 2805 йилда ифлосланган сайёрани одамлар аллақачон тарк этиб фақатгина сувараклар қолган. Чиқиндидан барпо бўлган осмонўпар бинолар орасида юрадиган фаррош-робот Валл-И арзийдиган нарсаларни йиғиб юради. Кунларнинг бирида робот-тадқиқотчи одамлар бор космик кемага олиб кетиш учун етиб келиши керак бўлган яшил ниҳолни топиб олади. Уни томоша қилиш давомида болалар саҳналарни қизиқиб томоша қилса, катталар Ер ва экология ҳақида ўйлай бошлайди.
«Тепага»
Pixar студияси томонидан суратга олинган мультфильмда рафиқасининг орзусини рўёбга чиқариш учун Карл Фредриксен исмли ёлғиз қария уйига минглаб учар шарлар боғлаб саёҳатга отланади. 2009 йилда экран юзини кўрган мультфильм катта-ю кичикни экран қаршисига михлаб қўяди.
«Немони излаб» (2003), «Дорини қидириб» (2016)
Ҳар икки картинанинг режиссёри бўлган Эндрю Стентон воқеалар ривожи нафақат катталар, балки болаларга ҳам манзур бўлишини ўйлайди. «Немони излаб»да ота-бола балиқларнинг саргузаштлари ҳақида ҳикоя қилинади. Воқеалар ривожи Немонинг отасининг гапига кирмаганидан кейин бошланади.
«Кунг-фу Панда»нинг барча қисмлари (2008, 2011 ва 2016)
DreamWorks компанияси томонидан ишланган мультфильм нима бўлган тақдирда ҳам ўзига бўлган ишончни йўқотмаслик кераклиги ҳақида ҳикоя қилади. Трилогиянинг биринчи қисмида мухлислар гуру кунг-фу бўлишни орзу қиладиган По исмли панда билан танишади.
«Ибтидоий одамлар» (2018)
Aardman студиясининг фильмида, ғорда яшаб, ҳамма нарсадан қўрқадиган одамлар ҳақида ҳикоя қилади. Унда зилзила сабаб ҳаммаси ўзгаради.
«Ўйинчоқлар олами»нинг барча қисмлари (1995, 1999, 2010 ва 2019)
Disney томонидан илк бор тўлиқ 3D-технология ёрдамида чизилган анимацион мультфильм улғайиш ва болаликнинг ортга қайтмаслиги ҳақида. Унда бир одамдан бошқа бир одамга ўтаётган ўйинчоқлар вақт тегирмонига тушиб қолади.
«Пакана бурунбой»
«Мелница» студияси томонидан суратга олинган мультфильм ўзида Вилгельм Гауф ҳикояларини мужассам қилган бўлиб, унда жодугарга ёрдам беришдан бош тортгани туфайли кўримсиз бўлиб қолган Якоб исмли болакайнинг саргузаштлари ўз аксини топади. Кунлардан бир куни Якоб ҳеч ким уни танимайдиган она шаҳрида ғозни қутқариб қолади. Ғоз жодудан қандай халос бўлишни биладиган сеҳрланган малика бўлиб чиқади.
«Шрек»нинг барча қисмлари (2000, 2004, 2007 ва 2010)
DreamWorks’нинг лойиҳаси саналган «Шрек» ҳам «Кунг-фу Панда» сингари ўзини қандай бўлмасин қабул қилиш кераклигига ўргатади. Учинчи қисмдаги Шрекнинг сўзларини тасдиқламай бўлмайди: «Агар одамлар сени нобакор деб ҳисобласа — уларни эшитишинг шарт эмас. Муҳими — сен ўзингни ким деб ҳисоблашинг».
«Сенинг исминг» (2016)
Япон режиссёри Макото Цинкай макон ва замон устидан ғалаба қозонган севги ҳақида мелодрамалар суратга олади. «Сенинг исминг» мультфильмида Таки ва Митсуҳа исмли ўсмирлар тушида ўрин алмашади. Бола қишлоқдаги мактабда ўқиб кечаси ибодатхонада ишлайди, қиз эса Токиода ҳаёт кечиради. Вақт ўтиши билан улар бир-бирини севиб қолади. Мицуҳа пойтахтга боришга отланган вақтда ерга метеорит тушади.
«Марҳума келин»
Режиссёр Тим Бертоннинг мультфильмида даҳшатли воқеалар ҳазил орқали кўрсатиб берилади. Сюжетга кўра, балиқ савдоси билан шуғулланадиган бадавлат кимсанинг ўғли, аслзода қиз билан турмуш қуриши керак бўлади. Аммо маросимга тайёргарлик чоғида асабийлашганидан гапларини адаштириб юборган йигит тинчланиш учун ўрмонга қочиб кетади. У ерда нутқини хатосиз такрорлашни уддасидан чиқади. У дарахт шохи деб ўйлаб узук кийдирган нарса марҳум келиннинг бармоғи бўлиб чиқади. Шундан кейин келин «уйғониб», Викторни нариги дунёга тортиб кетади.
Изоҳ (0)