«Машъал» бош мураббийи Александр Хомяков клубни тарк этди.
Клуб матбуот хизматининг маълум қилишича, 52 ёшли мутахассис ўз аризасига кўра вазифасидан озод қилинган. Шунингдек, ёрдамчи мураббий Диёр Мирзабоев ҳам клуб билан хайрлашган.
Шу тариқа Муборак клуби янги мавсум олдидан бош мураббийсиз қолди. «Машъал» Хомяков қўл остида Суперлиганинг 2021 йилги мавсумини 12-ўринда якунлади. Ўтиш ўйинида эса жамоа Про-Лигада 3-ўринни эгаллаган «Олимпик»ка 1:3 ҳисобида ютқазиб, қуйи лигага равона бўлди.
Маълумот учун, Хомяков Суперлигада «Машъал»дан ташқари қисқа вақт давомида (2020 йилги мавсумда) «Андижон»га ҳам устозлик қилган.
Изоҳ (0)