“Mash’al” bosh murabbiyi Aleksandr Xomyakov klubni tark etdi.
Klub matbuot xizmatining ma’lum qilishicha, 52 yoshli mutaxassis o‘z arizasiga ko‘ra vazifasidan ozod qilingan. Shuningdek, yordamchi murabbiy Diyor Mirzaboyev ham klub bilan xayrlashgan.
Shu tariqa Muborak klubi yangi mavsum oldidan bosh murabbiysiz qoldi. “Mash’al” Xomyakov qo‘l ostida Superliganing 2021-yilgi mavsumini 12-o‘rinda yakunladi. O‘tish o‘yinida esa jamoa Pro-Ligada 3-o‘rinni egallagan “Olimpik”ka 1:3 hisobida yutqazib, quyi ligaga ravona bo‘ldi.
Ma’lumot uchun, Xomyakov Superligada “Mash’al”dan tashqari qisqa vaqt davomida (2020-yilgi mavsumda) “Andijon”ga ham ustozlik qilgan.
Izoh (0)