Бугун,

  • USD 11095.31
  • RUB 173.84
  • EUR 10772.44

2022 йилда президент Шавкат Мирзиёев Европанинг қатор давлатларига ташриф буюриши мумкин. Бу ҳақда «Янги Ўзбекистоннинг 2022–2026 йилларга мўлжалланган тараққиёт стратегияси тўғрисида»ги президенти фармони лойиҳасида белгиланган.

Фото: Президенти матбуот хизмати

Фото: Президенти матбуот хизмати

Олий даражадаги ташрифлар орқали Европа мамлакатлари билан ҳамкорлик алоқаларини янада кенгайтириш кўзда тутилган.

Давлат раҳбарининг ташрифи амалга оширилиши мумкин бўлган давлатлар қаторида Бельгия, Буюк Британия, Венгрия, Италия, Испания, Туркия, Швейцария, Чехия, Польша ва Скандинавия мамлакатлари бор.

Шунингдек, Европа давлатлари ва ҳукуматларининг раҳбарлари ҳамда Европа Иттифоқи раҳбариятининг Ўзбекистонга ташрифлари ҳам ишлаб чиқилади.

Бундан ташқари, ҳужжат лойиҳасида Ўзбекистоннинг хориждаги дипломатик ваколатхоналари моддий-техник базасини ошириш, мамлакатнинг чет элдаги янги дипломатик ваколатхоналарини очиш белгиланган. Хусусан:

  • Ўзбекистоннинг Швецияда элчихонасини очиш жараёни тезлаштирилади;
  • Ўзбекистоннинг Чехияда дипломатик ваколатхонасини очиш масаласи ишлаб чиқилади;
  • Ўзбекистоннинг Европа мамлакатларидаги (Австрия, Италия, Польша ва Латвия) бир қатор дипломатик ваколатхоналарининг моддий-техник базасини, шунингдек, ходимлар салоҳияти қўшимча штат бирликлари ажратиш орқали мустаҳкамланади.
Аввалроқ Ўзбекистон 2022 йилда тўққизта янги бош консулхона очишни режалаштираётгани, уларнинг бештаси Россияда жойлашиши тўғрисида хабар берилганди.

Изоҳ
Асосий янгиликлар
Маҳаллий
Ўзбекистон энергетикаси: ортаётган талаб, тақчиллик ва кўрилаётган чоралар ҳақида
Дунё
Қирғизистонда 9 кишида “Цефтриаксон”га аллергик реакция кузатилди, бир киши вафот этди
Маҳаллий
Беш йилда 218 мингдан кўпроқ хонадон. Ўзбекистонда уй-жой муаммоси қандай ҳал этилмоқда?