Муваффақиятсиз фильмлардан миллионлаб маблағ ишлаб олган юлдузлар (фото)

Катта ҳақ эвазига суратга тушганига қарамай, иштироки фильмнинг муваффақиятли чиқишига сабаб бўлмаган актёрлар ҳақида Grazia нашри маълумот бериб ўтади.

Жонни Депп

Жонни Депп Голливуднинг энг кўп ҳақ тўланадиган актёрларидан саналади. Биргина «Алиса мўъжизалар мамлакатида» фильмидан 68 миллион долларни қўлга киритган. Аммо шунга қарамай, фильм етарлича машҳурликка эришмаган.

Харрисон Форд

Paramount Pictures «Индиана Жонс ва афсонавий биллур чаноқ» фильмида Форд-Спилберг ва Лукасни бирлаштиришга ҳаракат қилган. Оқибатда суратга олиш ва реклама харажатларини камайтириш ҳисобига умумий даромадни режиссёр, продюсер ва актёр ўртасида тенг тақсимлашга қарор қилинган. Натижада Харрисонга 65 миллион доллар тўланган. Аммо шунга қарамай, фильм томошабинлар қалбидан чуқур жой ололмаган.

Адам Сендлер

Адам Сендлер стриминг платформалари машҳурликка эришишидан аввалроқ Netflix юлдузи сифатида маълум бўлган. 2014 йилда у 4 та фильмда суратга тушиш учун шартнома имзолаб, 250 миллион долларни қўлга киритган. Аммо иштирокидаги биринчи вестерн атиги 4,8 балл тўплаган.

Холли Берри

«Мушук аёл» фильми ортидан актриса карьерасидаги энг катта — нақд 14 миллион долларни қўлга киритган. Аммо 100 миллион доллар сарфланган фильм прокатларда атиги 82 миллион доллар тўплаган.

Шерон Стоун

«Асосий туйғу» фильми сабаб Шерон оламшумул машҳурлик ва 500 минг долларга эга бўлган. Фильмнинг давомида суратга тушиши учун унга 14 миллион доллар тўланган, аммо лойиҳа муваффақиятсиз бўлган.

Дуэйн Жонсон

Дуэйн Жонсон бир неча йилдан буён Голливуднинг энг кўп ҳақ тўланадиган актёри ҳисобланади. Биргина «Жунгли бўйлаб саёҳат» фильми учун у 22 миллион доллар талаб қилган. Шунга қарамай, фильм кутилганидек муваффақиятли чиқмаган. Шунингдек, танқидчиларнинг лойиҳа ҳақидаги фикри ҳам ижобий бўлмаган.