Bugun,

  • USD 11014.01
  • RUB 191.8
  • EUR 10674.78

Muvaffaqiyat, boylik va mashhurlikka erishmasidan avval ayrim aktyor va aktrisalar ko‘p marotaba o‘z kasbini o‘zgartirishiga to‘g‘ri kelgan. Misol uchun, Silvestr Stallone hayvonot bog‘ida sher qafaslarini tozalagan bo‘lsa, Bred Pitt limuzin haydovchisi bo‘lib ishlagan.

Jessika Chesteyn

Foto: AdMe

Foto: AdMe

Jessika Chesteyn mashhur aktrisa bo‘lishidan oldin bir muddat bolalar uchun uyushtirilgan kechalarda animator bo‘lib ishlagan. U Mikki Maus kostyumida bolalarni xursand qilishni yaxshi ko‘rgan.

Margo Robbi

Foto: AdMe

Foto: AdMe

Margo Robbi o‘smirlik davrida bir vaqtning o‘zida 3 ta joyda ishlagan. Aktrisa oqsoch, Subway’da sendvich tayyorlovchi va syorf do‘konida sotuvchi bo‘lgan.

Megan Markl

Foto: AdMe

Foto: AdMe

Bo‘lajak kino yulduzi va shahzoda Garrining rafiqasi chiroyli husnixat egasidir. Shuning uchun u bir vaqtlar mustaqil xattot bo‘lib ishlaganidan ajablanmasa ham bo‘ladi.

Viktoriya Bekhem

Foto: “Buro 24/7”

Foto: “Buro 24/7”

Viktoriya Bekhem yoshligida promo-model sifatida ishlagan va univermagdagi parfyumeriya bo‘limi peshtaxtasi ortida turgan.

Nikolas Keyj

Foto: AdMe

Foto: AdMe

Taniqli aktyor Nikolas Keyj ko‘p yillar oldin Los-Anjelesdagi mashhur Fairfax teatrida bodroq sotgan.

Mettyu Makkonaxi

Foto: AdMe

Foto: AdMe

Bir vaqtlar Mettyu Makkonaxi Avstraliyada yashagan va u yerda bir vaqtning o‘zida o‘zini 6 lavozimda, shu jumladan, bank xodimi sifatida sinab ko‘rish imkoniyatiga ega bo‘lgan.

Xyu Jekman

Foto: AdMe

Foto: AdMe

2015-yilda Xyu Jekman Twitter’da qoldirgan postiga: “Mana, mening bir vaqtlar masxaraboz bo‘lganimning isboti” deb yozgan edi. Intervyularning birida esa u haqiqatan ham bolalar bayramida masxaraboz bo‘lganini aytib o‘tgan.

Bred Pitt

Foto: AdMe

Foto: AdMe

Bred Pitt kino yulduzi bo‘lishdan oldin o‘zini boshqa kasblarda sinab ko‘rgan. Bir necha oy davomida u limuzin haydovchisi, mebel yuklovchi bo‘lib ishlash bilan bilan birga aktyorlik saboqlarini olgan.

Megan Foks

Foto: AdMe

Foto: AdMe

Megan Foks suratga tushishni boshlashdan oldin Floridadagi smuzi do‘konida ishlagan. Haftada bir marta u banan libosida ko‘chalarga chiqqan va shu tariqa hammaning e’tiborini do‘konga qaratgan.

Kardi Bi

Foto: AdMe

Foto: AdMe

Kardi Bi o‘smirlik chog‘idayoq oziq-ovqat do‘konida kassir bo‘lib ishlagan. Uning maoshi haftasiga 250 dollarni tashkil etgan.

Silvestr Stallone

Foto: AdMe

Foto: AdMe

Silvestr Stallone “Rokki” yulduziga aylanishdan oldin hayvonot bog‘ida sherlar qafasini tozalovchisi sifatida ishlagan.

Amanda Seyfrid

Foto: AdMe

Foto: AdMe

Amanda Seyfrid o‘smirlik davrida model bo‘lgan, 17 yoshida u bu kasbni tashlab, qariyalar uyida ofitsiant bo‘lib ishlagan.

Izoh
Asosiy yangiliklar
Mahalliy
Qoraqalpog‘istonda joriy yilning 9 oyida sodir bo‘lgan YTHlarda 82 kishi vafot etgani ma’lum bo‘ldi
Sport
JCH—2022 Lionel Messi uchun oxirgi mundial bo‘ladi
Mahalliy
“Qabulda Olmaliq va Ohangaron shahri, Ohangaron tumani hokimi ham bor, avval ularga murojaat qiling, hal bo‘lmasa menga keling” — Zoir Mirzayev (video)