ЙҲХББ хабарига кўра, айни кунларда Бўстонлиқ туманининг тоғли ҳудудларидаги дам олиш масканларига ташриф буюрувчилар сони кескин ортди. Дам олиш масканлари атрофидаги автотураргоҳлар транспортлар билан тўлган.
Ижтимоий тармоқларда ҳам Амирсой, Чорвоқ, Чимёнга борадиган йўлда узун тирбандликлар юзага келгани акс этган видеолар тарқалди. Унда ушбу дам олиш масканларига олиб борувчи йўл ёпилиб, бир неча километрлик тирбандликлар юзага келгани айтилган ва ҳайдовчиларга у ерга бормаслик масалаҳат берилган.
Эслатиб ўтамиз, Янги йил байрами муносабати билан эълон қилинган дам олиш кунлари Тошкент вилоятининг Бўстонлиқ туманига кўплаб фуқаролар ташриф буюриши кутилаётгани сабабли автомобиль йўлларида тирбандликларнинг олдини олиш ва ҳаракат хавфсизлигини таъминлаш мақсадида, 2021 йил 31 декабрдан 2022 йил 5 январга қадар Бўстонлиқ туманининг дам олиш зоналаридан ўтган автомобиль йўлларида ҳаракатланиш учун айрим чекловлар киритилганди.
Хусусан, автотранспорт воситаларининг оқимини ҳисобга олган ҳолда 4Р6 Тошкент–Чимён автомобиль йўлининг 57–92 километрлари ва 4Р10 Чорвоқ сув омбори ҳалқа йўли автомобиль йўлининг 0–12 километрлари оралиғида бир томонлама ҳаракатланиш жорий қилинди.
ЙҲХББ барча ҳайдовчилардан қоидаларга риоя қилишларини сўраган.
Изоҳ (0)